Full kirkja í sunnudagskólanum og í Bowie messu

15.Nóvember'16 | 10:28

Sunday School Party Band lét sig ekki vanta í sunnudagaskólann sl. sunnudagsmorgun en sú sveit, sem í þetta skiptið var skipuð Birgi Nielsen, Kristni Jónssyni, Þóri Ólafssyni, Sæþóri Vídó, Jarli Sigurgeirssyni og Gísla Stefánssyni, flutti alla helstu sunnudagaskólaslagarana. 

Vel var mætt og mikil stemning, sérstaklega þegar talið var í Daníel og Rut þar sem karlpeningurinn sigraði með miklum yfirburðum, enda snýst þetta ekki um það hver syngur hæst heldur hver syngur fallegast.

Á sunnudagskvöldið var sungin messa með lögum David Bowie í Landakirkju. Messan var vel sótt en hátt í 200 manns voru í Landakirkju til að hlíða á. Þeir Ólafur Kristján Guðmundsson, Sæþór Vídó og Jarl Sigurgeirsson sungu lög meistarans en Messuguttarnir og brasssveitin Pípulagnirnar léku undir eins og vanalega í tónlistarmessum í Landakirkju.

Þeir sr. Viðar Stefánsson og sr. Guðmundur Örn Jónsson sáu svo saman um helgihaldsþáttinn, en sr. Guðmundur predikaði á sinn einstaka hátt. Allt ætlaði um koll að keyra í lokin þegar Ólafur Kristján flutti Life on Mars? með miklum tilþrifum og krafti.

Í byrjun mars á næsta ári verður svo næsta tónlistarmessa, en hvað verður tekið fyrir þá hefur enn ekki verið ákveðið, segir í frétt á vef Landakirkju.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.