Vestmannaeyjabær:

Vestmannaeyjar, þar sem hjartað slær fyrir aldraða

9.Nóvember'16 | 10:31
IMG_5033

Margt gott er gert fyrir eldri borgara í Eyjum. Hér er verið að halda Þjóðhátíð á Hraunbúðum.

Það hefur á öllum stundum verið vilji Eyjamanna að hér í Vestmannaeyjum sé gott að eldast. Það eru eldri borgararnir sem byggðu upp okkar góða samfélag. 

Á seinustu árum hefur orðið mikil breyting á áherslum í öldrununarþjónustu, sérstaklega í húsnæðismálum og heimaþjónustu.

Kröfur um aukið sjálfstæði og öryggi eru sjálfsagðar.  Áður fyrr var fólk annaðhvort heima eða á stofnunum sem öllu jöfnu voru kölluð „elliheimili“.  Í dag á fólk hinsvegar kost á heimaþjónustu, hvar sem það býr og hefur aðgang að félagsstarfi við hæfi.

Stefna Vestmannaeyjabæjar er að tryggja aukið sjálfstæði í búsetu- og þjónustuþáttum og tryggja að þjónustan sé ekki stofnanabundin heldur búi eldra fólk við eðlilegt heimilislíf á meðan það sjálft kýs og hefur tök á.

Hér í Eyjum fjölgar eldri borgurum nokkuð hratt.  Sá íbúahópur sem flutti til Vestmannaeyja að gosi loknu og byggði hér bjartan bæ úr ösku er nú að komast á þann aldur sem við köllum „eldri borgara“. 

Staðan núna er að mörgu leiti góð þótt sterkur vilji sé til að gera gott betra.  Til að mynda er á fáum stöðum á landinu styttri biðlisti eftir dvarlarrýmum og hjúkrunarrýmum en hér í Eyjum.  Í dag er einn aðili á biðlista eftir hjúkrunarrými og einn á biðlista eftir dvalarrými (aðilinn sem býður eftir hjúkrunarrými er í dvalarrými).

Á seinasta ári hafa stór skref verið tekin til að byggja hér upp fyrirmyndasamfélag fyrir aldraða, og áfram skal haldið:

·         Byggðar verða 5 til 7 nýjar þjónustuíbúðir fyrir aldraða

·         Aðstaða til dagþjónustu (föndur, hárgreiðsla, líkamsrækt og fl.) á Hraunbúðum verður stækkuð og endurbætt

·         Byggð verður ný hjúkrunarálma fyrir fólk sem glímir við heilaröskun svo sem Alzheimer.

·         Í samstarfi við einkaaðila hefur íbúðum fyrir aldraða í Kleifarhrauni verið fjölgað mikið.

·         Nú þegar hefur verið komið upp glæsilegri félagsaðstöðu fyrir eldri borgara í Kviku.  Þar fer nú fram öflugt félagsstarf svo sem söngstarf, dans,  föndur, minigolf, billjard og fl.  Áfram verður haldið að byggja þar upp þjónustu.

·         Staðið verður við bakið á félagi eldri borgara í uppbyggingu á öflugu félags- og tómstundastarfi.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.