Hafa náð samkomulagi um fiskverð

9.Nóvember'16 | 12:59

Sjómannasamband Íslands og Samtök fyrirtækja í sjávarútvegi hafa náð samkomulagi um fiskverð. Það var eitt stærsta ágreiningsmálið í kjaraviðræðum samtakanna tveggja og því má segja að viðræður séu að þokast í rétta átt. Fundur í deilunni hefst klukkan tíu í morgun hjá Ríkissáttasemjara til þess að menn reyni að leysa það sem út af stendur. 

Valmundur Valmundsson, formaður Sjómannasambandsins, segir í samtali við fréttastofu að þó að samkomulag um fiskverð hafi náðst beri enn þó nokkuð í milli. Hann vill ekki gefa upp hvaða lending hafi náðst varðandi fiskverðið, en stíf fundarhöld hafi verið boðuð í allan dag og fram á kvöld.

„Verst að það eru ekki kojur hjá Sátta”

„Það ber langt á milli, eina málið sem við höfum leyst er fiskverðsmálið, en það er stórt,” segir hann, án þess að vilja gefa upp í hverju lausnin hafi falist. „Við notum þennan tíma sem eftir er og sjáum til. Ég er ekkert sérstaklega bjartsýnn, en lengi má manninn reyna.” 

Sjómannasambandið fundar stíft í dag og í kvöld. „Verst að það eru ekki kojur hjá Sátta,” segir Valmundur. 

Náist ekki að semja skellur verkfall um 3.500 sjómanna á annað kvöld. Það yrði fyrsta verkfall stéttarinnar í 15 ár.

 

Ruv.is.

Valmundur_v

Valmundur Valmundsson.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%