Ásmundur Friðriksson skrifar:

Stórsigur Sjálfstæðisflokksins

3.Nóvember'16 | 05:50

Um helgina vann Sjálfstæðisflokkurinn stóran sigur í kosningunum ef tekið er mið af þeim skoðanakönnunum sem ekki spáðu flokknum svo vel. Það athyglisverðasta við sigurinn er að flokkurinn sigrar í öllum kjördæmum landsins og á því 1. þingmann í hverju kjördæmi. Það er afdráttarlaus niðurstaða og við tökum mark á því þegar þjóðin hefur talað.

Sigur okkar í Suðurkjördæmi er einstaklega glæsilegur og kemur í framhaldi af fjölmennasta prófkjöri Sjálfstæðisflokksins á landinu þar sem 4015 konur og karlar völdu listanum forystusveit. Það er líka athyglisvert við prófkjörið að við Páll Magnússon fengum flest atkvæði ef tekin eru öll prófkjörin og raðað eftir fjölda atkvæða í sæti. Það er líka mikið styrkleikamerki og afdráttarlaus niðurstaða sjálfstæðismanna í Suðurkjördæmi og þátttakan og úrslitin ákveðinn vilji fólksins eins og í kosningunum um helgina. Við virðum lýðræðislegar niðurstöður kosninga.

Í kosningunum um síðustu helgi sýndi Sjálfstæðisflokkurinn í Suðurkjördæmi allar sínar bestu hliðar eins og ég þekki þær eftir að hafa tekið þátt í kosningabaráttu flokksins frá árinu 1978 ef ég man svo langt aftur? Gamlir kosningasmalar komu og buðu aðstoð og það munar um hvern mann og konu þegar úrslitin ráðast af síðasta atkvæðinu sem sett er í kjörkassann. Það þekkjum við sem aldrei gefumst upp.

Ég fann stemninguna fram á síðustu mínútu og ég naut þess að félagar mínir í Eyjum, í Hveragerði, Selfossi og víðar hringdu fram á síðustu stundu til að biðja mig að hringja í fólk sem enn átti eftir að fara á kjörstað. Krafturinn og samheldnin skilaði sér í glæsilegri niðurstöðu.

Samstaða frambjóðenda er líka eitt atriðið sem vert er að minnast á. Við öll í fyrstu átta sætunum vorum óskipt í heimsóknum og vinnu um allt kjördæmið síðustu tvær vikurnar og síðustu vikuna gerðum við ekkert annað en að sinna skyldum okkar, hitta fólk, heimsækja fyrirtæki og leggja okkur fram um ð vera heilstæður og samtaka listi. Það tóks og það verður að þakka þeim sérstaklega sem skipuðu sæti 5-8 hvað þau lögðu mikið á sig í vinnu og kostnaði síðust vikuna fyrir kjördag. Svona samtaka lið með allt baklandið á bak við okkur nær árangri.

Það er mörgum að þakka um allt kjördæmið en kosningastjórinn Margrét Rós Ingólfsdóttir fær sérstakar þakkir fyrir dugnað, yfirsýn og ákveðið skipulag.

Framundan eru stjórnarmyndunarviðræður og með niðurstöður kosninganna að leiðarljósi en foseta Íslands ekki fær leið að ganga framhjá Bjarna Benediktssyni formanni Sjálfstæðisflokksins, sigurvegara kosninganna. Það verður heldur ekki gengið framhjá frambjóðendum í Suðurkjördæmi þegar kemur að útdeilingu embætta, styrkleiki flokksins í kjördæminu krefst þess.

Með þakklæti til ykkar allra

Ásmundur Friðriksson.

Höfundur: Ásmundur Friðriksson.

F. í Reykjavík 21. jan. 1956. For.: Friðrik Ásmundsson (f. 26. nóv. 1934) skipstjóri og skólastjóri og Valgerður Erla Óskarsdóttir (f. 24. maí 1937). M. Sigríður Magnúsdóttir (f. 26. jan. 1958) matráður. For.: Magnús G. Jensson og Kristín Guðríður Höbbý Sveinbjörnsdóttir. Börn: Ása Hrönn (1982), Erla (1984), Magnús Karl (1991). Sonur Ásmundar og Sigurlaugar Sigurpálsdóttur: Friðrik Elís (1975). Stjúpdóttir, dóttir Sigríðar: María Höbbý Sæmundsdóttir (1977).
      Gagnfræðapróf Skógaskóla 1973.
      Stundaði netagerð og sjómennsku 1970-1972. Vann við hreinsun Heimaeyjar sumarið 1973. Verkstjóri hjá Viðlagasjóði við hreinsun og endurreisn og uppgræðslu Heimaeyjar 1974-1978. Framleiðslu- og yfirverkstjóri hjá Vinnslustöð Vestmannaeyja 1978-1986. Sjálfstætt starfandi blaðamaður 1980-2003. Framkvæmdastjóri Samkomuhúss Vestmannaeyja 1986. Rak fiskvinnslufyrirtækið Kútmagakot ehf. 1988-2003. Framkvæmdastjóri Knattspyrnudeildar Keflavíkur 2004. Verkefnastjóri Ljósanætur 2006. Verkefnastjóri í atvinnu- og menningarmálum hjá Reykjanesbæ 2008. Bæjarstjóri Sveitarfélagsins Garðs 2009-2012.
      Í þjóðhátíðarnefndum Vestmannaeyja 1974-1996. Formaður handknattleiksdeildar Þórs 1974-1978. Formaður Eyverja, félags ungra sjálfstæðismanna, 1981-1984. Í stjórn SUS 1983-1987. Í flokksráði Sjálfstæðisflokksins og í stjórn fulltrúaráðs sjálfstæðisfélaganna í Eyjum 1982-1986.Formaður íþrótta- og tómstundaráðs Vestmannaeyja 1982-1986. Formaður ÍBV 1994-1999. Formaður knattspyrnudeildar ÍBV 1999-2002. Stofnandi og formaður hollvinasamtaka Heilsustofnunar Náttúrulækningafélags Íslands í Hveragerði, NLFÍ, 2005-2011. Í stjórn Félags myndlistarmanna í Reykjanesbæ 2007-2008. Stofnandi Lista- og menningarfélagsins í Garði 2009. Stjórnandi listaverkefnisins Ferskir vindar í Garði 2010. Formaður Sjálfstæðisfélagsins í Garði frá 2012.

Alþm. Suðurk. síðan 2013 (Sjálfstæðisflokkur).
Atvinnuveganefnd 2013-, velferðarnefnd 2013-.

Ritstjóri: Fylkir, málgagn sjálfstæðismanna í Vestmannaeyjum (1986-1988).