Beðið eftir niðurstöðum lífsýnarannsókna

3.Nóvember'16 | 18:11

Rannsókn stendur enn yfir á líkamsárás og nauðgun í Vestmannaeyjum aðfaranótt 17. september síðastliðins. Samkvæmt upplýsingum frá lögreglunni í Vestmannaeyjum er rannsókn í fullum gangi en beðið er gagna sem send voru utan til rannsóknar. Þar er um að ræða lífsýni. 

Karlmaður er grunaður um að hafa veitt konu verulega áverka og nauðgað henni. Konan fannst illa leikin, nakin og með mikla áverka í andliti og á líkama eftir ofbeldisverk. Þegar hún fannst var líkamshiti hennar 35,3 gráður á Celsíus, sem er nálægt ofkælingu.  

Í síðustu viku hafnaði Hæstiréttur kröfu lögreglustjórans í Vestmannaeyjum um að dómkvaddur yrði matsmaður til að meta geðheilbrigði mannsins. Maðurinn hefur játað að hafa átt í samskiptum við konuna fyrir utan skemmtistað í Vestmannaeyjum en neitar að hafa átt í frekari samskiptum við hana. Í greinargerð lögreglu kemur fram að vitni hafi verið vakandi heima hjá sér þegar það heyrði öskur og grát í konu. Það fór út í glugga og sá hvar nakin kona lá á götunni og dökkklæddur maður stóð yfir henni. Vitnið segist hafa horft á eftir manninum þegar hann gekk í burtu. 

Annað vitni segist hafa komið að manninum þar sem hann hélt andliti konunnar ofan í steyptum öskubakka fyrir utan skemmtistað í bænum. Konan hafi verið á hnjánum og maðurinn hafi haldið höndum hennar fyrir aftan bak. Vitnið kvaðst hafa sagt manninum að láta konuna í friði og lýsti það háttsemi mannsins með þeim orðum að hann hefði verið að kvelja konuna. Til eru myndbandsupptökur af átökum mannsins og konunnar og þar má sjá hvar maðurinn ýtir henni niður tröppur við inngang staðarins.

Hæstiréttur hafnaði í byrjun októbermánaðar gæsluvarðhaldskröfu yfir manninum sem lögregla fór fram á vegna almannahagsmuna. Var henni meðal annars hafnað á þeim grundvelli að við myndbendingar sem fram fóru 22. september síðastliðinn hafi hvorki fórnarlambið né vitni getað borið kennsl á manninn. Ekki hafi komið neitt nýtt fram við rannsókn málsins frá því maðurinn var úrskurðaður í áframhaldandi gæsluvarðhald 24. september síðastliðinn. Maðurinn gengur því laus. 

 

Rúv.is greindi frá.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.