Ísfélags og Fiskiðjureitur:

Áfram unnið með tillögu Steina og Olla

3.Nóvember'16 | 15:21

Hér má sjá tillöguna sem að lagt var til að unnið yrði áfram með.

Í júní s.l. auglýsti Vestmannaeyjabær eftir áhugasömum samstarfsaðilum um fasteignaþróun á Ísfélags- og Fiskiðju-reitnum. Þrír aðilar/hópar lýstu yfir áhuga á að taka þátt í verkefninu og var þeim boðið að senda inn tillögur sbr. bókun ráðsins þann 29 ágúst s.l.

Tveir af þremur hópum skiluðu inn gögnum sem valnefnd hefur nú yfirfarið og liggur álit valnefndar fyrir ráðinu.

Í áliti valnefndar segir: Í ljósi innsendra gagna er lagt til að áfram verði unnið með tillögu B sem barst frá Steina og Olla ehf., en gerðir eru fyrirvarar við ákveðna þætti sem koma þar fram líkt og tímamörk.

Ráðið þakkar þeim aðilum sem sendu inn gögn til valnefndar. Ráðið tekur undir álit valnefndar varðandi tillögu B og felur starfsmönnum umhverfis-og framkvæmdasviðs og formanni ráðsins áframhald málsins, segir í bókun umhverfis- og skipulagsráðs.