Páll Magnússon skrifar:

Takk fyrir!

2.Nóvember'16 | 22:44
pall_magg_med_d

Páll Magnússon.

Ég vil koma á framfæri kærum þökkum til ykkar allra sem studduð Sjálfstæðisflokkinn í Suðurkjördæmi í Alþingiskosningunum um síðustu helgi. 

Við unnum umtalsverðan sigur;  fengum 31,5% atkvæða sem er næst mesta fylgi sem flokkurinn hefur hlotið frá því að Suðurkjördæmi varð til í núverandi mynd árið 2003. Einungis 2007 fékk flokkurinn meira fylgi. Þetta er rúmlega 11% fylgisaukning frá kosningunum 2013; við náðum fjórum kjördæmakjörnum þingmönnum og endurheimtum stöðu okkar sem stærsti flokkur kjördæmisins. Langstærsti.

Fyrir þetta er ég auðvitað þakklátur öllum þeim sem kusu flokkinn - en einkum og sér í lagi öllum þeim sem studdu hann líka með ráðum og dáð. Fjöldi fólks stóð með flokknum til sóknar og varnar; mætti á fundi og lét í sér heyra; mætti á kosningaskrifstofur okkar og hellti upp á kaffi og bakaði kökur; talaði máli flokksins gagnvart vinum og ættingjum og tók þátt í skipulagðri kosningabaráttu með úthringingum og öðru starfi. Fyrir mig, byrjandann í flokksstarfinu, var það hrein opinberun að verða vitni að þessum þrótti og baráttuvilja. Ég sannfærðist um að í öllum þessum virku stuðningsmönnum felst meginstyrkur Sjálfstæðisflokksins umfram aðra flokka.
 

Kærar þakkir til ykkar allra!

Páll Magnússon
Oddviti Sjálfstæðismanna í Suðurkjördæmi
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.