Leiguheimili gætu risið í Vestmannaeyjum

og í allt að 16 öðrum sveitarfélögum í fyrsta áfanga

20.Október'16 | 10:28

Þess er ekki langt að bíða að fyrstu íbúarnir í nýju húsnæðiskerfi flytji inn í svonefnd Leiguheimili að danskri fyrirmynd. Leiguheimilin, sem byggja á nýlegu lagafrumvarpi félags- og húsnæðismálaráðherra.

Þau verða langtíma valkostur fyrir almenning á leigumarkaði þar sem leigugreiðslur verða lægri en á almennum markaði. Til að sækja um slíkar íbúðir mega mánaðarlegar tekjur heimilisins ekki vera yfir ákveðnum mörkum. Tekjumörkin fyrir einstakling með tvö börn eru núna 593.583 kr., fyrir hjón eða sambúðarfólk með tvö börn 751.917 kr. og fyrir hjón eða sambúðarfólk með fjögur börn 949.750 kr. Ný tekjumörk verða gefin út árlega.


Fyrstu íbúarnir í nýja kerfinu flytja inn á næstunni

14 aðilar sóttu um stofnframlög úr ríkissjóði til að byggja eða kaupa 571 íbúð á 28 stöðum í 17 ólíkum sveitarfélögum. Í Vestmannaeyjum voru það bæjaryfirvöld sem óskuðu eftir að byggja eða kaupa 8 íbúðir. Því gætu íbúar eftirtalinna sveitarfélaga, auk Vestmannaeyja, átt eftir að sjá Leiguheimili rísa í fyrsta áfanga: Reykjavík, Kópavogur, Hafnarfjörður, Mosfellsbær, Garðabær, Ísafjörður,  Akureyri, Akranes,  Árborg, Eyjafjarðarsveit, Reykjanesbær, Sveitarfélagið Hornafjörður, Sandgerðisbær, Húnaþing Vestra, Sveitarfélagið Skagafjörður og Mýrdalshreppur.
 

Bæði hægt að kaupa og reisa Leiguheimili – þarf að vera hagkvæmt húsnæði

Bæði er hægt að kaupa íbúðir og færa inn í Leiguheimilakerfið og reisa nýbyggingar. Í flestum tilfellum þarf að reisa Leiguheimilin frá grunni enda er víða lítið framboð af hagkvæmu húsnæði og ein af kröfunum fyrir úthlutun stofnframlags er að húsnæðið sé byggt á hagkvæman og hugvitsamlegan hátt. Hluti af Leiguheimilunum verða laus til umsóknar fljótlega en hluti þeirra, eins og áform Almenna íbúðafélagsins sem er í eigu ASÍ og BSRB, gætu komist í gagnið eftir u.þ.b. 18 mánuði. Alls eru 467 Leiguheimilanna sem umsækjendur vilja reisa eða kaupa á höfuðborgarsvæðinu en 104 þeirra eru á landsbyggðinni.

 

Í hnotskurn:
- Sótt er um stofnframlög til 104 Leiguheimila á landsbyggðinni, þar af 8 í Vestmannaeyjum, en 467 á höfuðborgarsvæðinu
- Búist er við að fyrstu íbúðirnar verði tilbúnar á næsta ári
- Hluti af Leiguheimilunum verður laus til umsóknar fljótlega

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.