Suðurkjördæmi:

Sjálfstæðisflokkurinn mælist stærstur

18.Október'16 | 20:09
sudur_k

Sjálfstæðisflokkurinn mælist stærstur flokka í Suðurkjördæmi.

Sjálfstæðisflokkurinn nýtur stuðnings 30,7 prósent aðspurðra og fengi þrjá þingmenn kjörna, en hefur nú fjóra þingmenn í Suðurkjördæmi. Framsóknarflokkurinn mælist með 20,5 prósent fylgi, fengi tvo þingmenn kjörna, en er nú með fjóra, samkvæmt nýrri könnun fréttastofu 365.

Framsókn tapar miklu fylgi, en flokkurinn hlaut 34,4 prósent atkvæða í kosningunum 2013, en Sjálfstæðisflokkurinn 28,3 prósent.

Vinstri græn mælast með 14,1 prósent fylgi, Píratar 13,7 prósent, Samfylking 7,3 prósent og Björt framtíð 5,9 prósent, og fengju flokkarnir allir einn þingmann kjörinn.

Vinstri græn bæta því mikið við sig, en flokkurinn hlaut 5,9 prósent atkvæða í kosningunum 2013. Sömu sögu er að segja af Pírötum sem hlutu 4,7 prósent í síðustu kosningum.

Viðreisn mælist með 4,7 prósent fylgi í kjördæminu og fengi ekki mann kjörinn. Íslenska þjóðfylkingin mælist með 1,5 prósent fylgi í kjördæminu, Dögun 0,9 prósent og Flokkur fólksins 0,8 prósent, en aðrir flokkar mældust ekki.

Rétt er að benda á að uppbótarþingmaður kjördæmisins er ekki reiknaður með í þessum útreikningum. Könnunin byggir á könnunum sem fréttastofa hefur gert á undanförnum vikum.

 

Vísir.is greindi frá.
 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.