Ásmundur Friðriksson:

Vill láta rannsaka aðstæður við Landeyjahöfn

Síðastliðna viku hefði nýtt skip ekki bætt samgöngur við Vestmannaeyjar nema síður sé

8.Október'16 | 17:50

,,Þessa dagana er verið að ganga frá smíðasamningi á nýjum Herjólfi við norska skipasmíðastöð. Ég vona að það verði skref fram á við fyrir samgöngumál Vestmannaeyja þó að ég hafi nú haft ýmsar athugasemdir við þetta mál." sagði Ásmundur Friðriksson á Alþingi í gær.

Ásmundur sagði einnig að í gær, þann 7. október, eru sex dagar liðnir frá því að síðast var siglt í Landeyjahöfn og það er ekkert útlit fyrir að þangað verði siglt fyrr en í fyrsta lagi á sunnudag eða í byrjun næstu viku. Ölduhæð við höfnina hefur verið 4-8 metrar og nýja skipið sem er verið að smíða á að geta siglt í 3 metra ölduhæð. Þessa viku hefði nýtt skip ekki bætt samgöngur við Vestmannaeyjar nema síður sé. Það er umhugsunarefni fyrir okkur að það skuli vera þannig.

,,Það eru aðstæður við höfnina sem eru vandamálið og það eru aðstæður við höfnina sem þarf að rannsaka. Það er mjög mikilvægt að nú þegar og á næstu fjárlögum verði lagt fé í rannsóknir við Landeyjahöfn til að gera hana mögulega opna allt árið. Reyndir sjómenn og skipstjórnarmenn segja að það þurfi garða út á 15-20 metra dýpi svo hægt sé að sigla þangað allt árið. Það er mikilvægt að þegar ný ferja kemur til Vestmannaeyja um mitt árið 2018 þá liggi fyrir rannsóknir og hvað sé hægt að gera til þess að tryggja samgöngur við Landeyjahöfn frá Vestmannaeyjum allt árið. Það er tilgangurinn með nýrri ferju. Hún mun rista grynnra en núverandi Herjólfur og mun auðvitað bæta við eitthvað af dögum, en hún mun ekki geta siglt í ölduhæð yfir 3 metrum. Slík ölduhæð er nokkuð oft og núna þegar ósköp venjuleg haustlægð er að ganga yfir þá er dögum saman 4-8 metra ölduhæð. Við þurfum að vinda bráðan bug að því að Vestmannaeyingum verði tryggðar góðar samgöngur allt árið við Landeyjahöfn." sagði Ásmundur.

asmund

Ásmundur Friðriksson

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.