Dagbók lögreglunnar:

Sami aðili staðinn af þjófnuðum, húsbrotum, nytjastuldi og eignaspjöllum

Alls eru um 6 tilvik að ræða

3.Október'16 | 17:26

Lögreglan hafði í ýmsu að snúast í liðinni viku vegna hinna ýmsu mála sem komu inn á borð lögreglu.  Skemmtana hald helgarinnar fór ágætlega fram en eitthvað var þó um að lögreglan þurfti að hafa afskipti af fólki sökum ölvunarástands þess. 

Lögreglan hafði í nógu að snúast í liðinni viku vegna sama aðila sem ítrekað staðinn var af þjófnuðum, húsbrotum, nytjastuldi vélknúinna ökutækja og eignaspjalla, en alls eru þarna um 6 tilvik að ræða.  Stolið var m.a. áfengi, þurrbúningi og létt bifhjólum.  Er þarna um að ræða ungan dreng sem ítrekað hefur verið staðin að afbrotum á undanförnum mánuðum.  Vill lögreglan af því tilefni hvetja fólk til að skilja verðmæti ekki eftir á glámbekk, læsa húsum sínum og bílum þegar þeir eru yfirgefnir.
 
Þann 30. september sl. var lögreglu tilkynnt um skemmdir á hópferðarbifreið en bifreiðinni hafði verið ekið á göngubrú Herjólfs með þeim afleiðingum að skemmdir urðu á kælibúnaði á þaki bifreiðarinnar auk þess sem þakgluggi brotnaði.  Engar skemmdir urðu á göngubrúnni né urðu slys á fólki. 
 
Alls liggja fyrir 6 kærur vegna brota á umferðarlögum eftir vikuna en m.a. er um að ræða grun um akstur undir áhrifum ávana- og fíkniefna,  ólöglegar lagningar bifreiða, akstur án réttinda og akstur gegn einstefnu.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.