Elliði Vignisson skrifar:

Stöndum saman í uppbyggingu á sviði menninga og lista

29.September'16 | 11:18

Sæl Sigríður Diljá Magnúsdóttir. Ég verð að viðurkenna að skrif þín snerta mig og hryggja mig í raun. 

Í fyrsta lagi....

....þá er ég algerlega sammála því að LV er að gera frábæra hluti. Þar vel haldið utan um hlutina og allt gert til að tryggja heilbrigt umhverfi fyrir þá sem þátt taka. Í viðbót við það þá er metnaður til að gera vel og sjá metnaður skilar miklum og góðum árangri ár eftir ár. Samfélagslegt mikilvægi er óumdeilt.

Í öðru lagi...

.... þá er það eitt algengasta umkvörtunarefni ungsfólks í Vestmannaeyjum að hér sé ekki bíó. Við því viljum við bregðast og það getur ekki talist óeðlilegt að þá horfum við fyrst og fremst til að nýta sal sem þrátt fyrir öflugt starf LV stendur tómt nánast allt árið. Að fara bara með þetta „eitthvað annað“ hefði kostað hundruði milljóna og þar með orðið til þess að ekkert yrði gert.  Sem sagt ástæðan fyrir þessu er sú að það er verið að reyna að mæta þörfum ungs fólks.  Ekki þarf að efast um að ef við hefðum ekki reynt að aðstoða við að koma hér upp bíói þá hefði það ekki verið minna gagnrýnt og ef til vill af sama fólkinu og nú gegnrýnir að verið sé að koma upp fullkomnu bíói í Vestmananeyjum.

Í þriðja lagi...

.... þá er þar hreinlega rangt að taka eigi fjáröflun af LV. Ég hef nú bara ekki heyrt annað eins. Hafi einhver haldið þessu fram við þig þá er það í besta falli misskilningur. Í versta falli sagt til að valda deilum. Sannleikurinn er sá að gjaldkeri LV hefur lagt fram tölur yfir alla framlegð af sölu og Vestmannaeyjabær hefur boðið LV að hækka styrkinn sem því nemur. Tekjurnar skila sér því áfram til LV án þess að nokkur áhætta eða rekstur fylgi. Ekki er verið að ræða neina breytingu á vínveitingaleyfi og vilji LV selja áfengi þá hafa þau ein rétt á slíku. Ég hef ekki hugmyndaflug til að átta mig á hvaðan það sé komið að taka eigi það af LV.

Í fjóðra lagi...

... þá er alveg ljóst að sýningar LV hafa algeran forgang í salnum. Rétt eins og kappleikir í íþróttahúsinu. Hægt verður að nýta salinn undir undirbúning alla vikuna nema rétt á meðan sýningar eiga sér stað, bæði undir æfingar, undirbúning sviðsmyndar og fl. Þetta er bara nákvæmlega eins og með íþróttastarfið okkar sem nánast er allt í sama húsinu og allt samnýtt - og já- þar eru nánast allir í sjálfboðlisstarfi.

Í fimmta lagi...

... þá er það rétt hjá þér að "snillingarnir hjá bænum" eru búin að taka út sætin. Staðreyndin er sú að eina leiðin til að koma nýjum og betri sætum fyrir -þar sem meðal annars er hugað að þörfum fatlaðra- er að taka þau gömlu í burtu.

Í sjötta lagi...

... þá er það hreinlega sárt að sjá þig segja að bærinn -sem sagt ég og tugir annarra- séu að "drepa leikfélagið". Við höfum varið tugum milljóna til að byggja undir starfið og sjáum ekki eftir krónu. Það er búið að taka allt húsið í gegn, búið að hækka rekstrarstyrkinn umtalsvert, á hverju ári funda ég ítrekað með formanni og/eða stjórn til að standa sem best við bakið á þeim í góðu starfi, ég mæti á allar sýningar LV og það gera aðrir sem þú sakar um að "drepa leikfélagið" einnig. Á erfiðum tímum höfum við stigið fast inn í með stjórn, veitt leiðbeingar og stuðning eftir því sem okkur hefur verið mögulegt.  Sé þetta að „drepa“ félagið þá er illt í efni.

Að lokum...

...þá er það sannarlega bagalegt hversu oft við lendum í drætti á verklegum framkvæmdum. Það útskýrist af erfiðleikum með aðgengi að iðnaðarmönnum en ekki illum vilja gagnvart LV eða öðrum þjónustuþegum. Ég held að ef sanngirni er gætt þá verði að viðurkennast að þetta á bara almennt við um þá sem standa í framkvæmdum í Vestmannnaeyjum.

Stöndum saman í uppbyggingu á sviði menninga og lista. Gerum gott betra og fögnum fjölbreytni. Tökum vel á móti nýju aðilum.


Góðar stundir
Elliði Vignisson

bæjarstjóri

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.