Sigríður Diljá Magnúsdóttir skrifar:

Finnst bærinn hreinlega vera með heiðarlega tilraun til að drepa leikúsið okkar

29.September'16 | 09:44
aevintyrabokin_leikfelag

Mikil gróska hefur verið í leikhúsinu í Eyjum síðustu ár.

Diljá Magnúsdóttir er mikill velunnari Leikfélags Vestmannaeyja. Hún hefur miklar áhyggjur af framtíð félagsins, þar sem til stendur að opna kvikmyndahús í sama sal og Leikfélagið hefur til umráða. 

Diljá sendi frá sér grein í gærkvöldi eftir aðalfund Leikfélagsins vegna málsins sem Eyjar.net fékk leyfi til að endurbirta. 

Stolt af leikfélaginu okkar

Ég var á aðalfundi Leikfélagsins núna rétt áðan, leikfélaginu sem við erum öll svo hrikalega stolt af. Leikfélaginu okkar sem búið er að setja upp hverja stórsýninguna á fætur annarri, núna mörg ár í röð. Leikfélaginu okkar sem hefur alið upp þvílíkan fjölda af frábærum leikurum, börnunum okkar. 

Fundurinn var flottur, frábært fólk við stjórnvölin sem leggur ótrúlegan metnað í að setja upp 2 stórar sýningar á ári fyrir utan allar litlu skemmtanirnar þar sem þau eru beðin um alskyns uppákomur. Að setja upp eina svona flotta sýningu tekur 6-8 vikur. Þetta eru strangar æfingar alla daga vikunnar. Það er æft öll kvöld frá kl.19-23 og svo allar helgar frá hádegi fram á kvöld. Þar sem flestir eru annað hvort í skóla eða í vinnu á daginn. Svo þarf að smíða leikmyndina, þar sem smiðir og leikhópurinn hjálpast að. Þetta gerist ekki að sjálfum sér og allt gert í sjálfboðavinnu. 


Hrikalega sorgmædd og reið

Ég fór samt út af þessum fundu alveg hrikalega sorgmædd og reið. Því snillingarnir okkar hjá bænum eru búin að leigja leikhúsið okkar undir bíó. Reyndar á Bíóið að hafa sem minnsta röskun fyrir Leikfélagið. Hvernig er það hægt? Þetta tvennt á ekki samleið. Það er búið að prófa það og það gekk ekki. Ef Leikfélagið á að fá að æfa öll kvöld í 6-8 vikur, hvenær á þá Bíóið að sýna?

Jú Bíóið á að hafa fimmtudaga, föstudaga, laugardaga og sunnudaga. Þá eru ekki margir dagar eftir. 3 dagar og jú smiðirnir eiga að smíða leikmyndina eftir bíó. uuuuhhhh og hvað er klukkan þá? 23:30? Þessir smiðir eru í vinnu á daginn og sofa sko á nóttunni eins og við hin.

Og Bíóið fær sjoppuna alltaf og vínveitingaleyfið. Hvað finnst ykkur um þetta? Eina fjáröflun Leikfélagsins.

 

Búið að taka út öll sætin

Já ég gleymdi. það er búið að taka út öll sætin og það er ekki vitað hvenær ný sæti verða sett, og það á að frumsýna í nóvember. Ég á bara ekki orð... mér finnst bærinn hreinlega vera að traðka á Leikfélaginu okkar.

Leikfélagið er leigjandi af húsinu er þá bara hægt að leigja líka einhverjum öðrum án þess að kynna sér hvort það gangi upp eða hvort þetta eigi samleið?? Ekki misskilja mig ég vil alveg bíó í bæinn en bara ekki í þetta hús. Hvað finnst ykkur um þetta? Getur þetta blessaða bíó ekki verið einhversstaðar annarsstaðar?

Mér finnst bærinn hreinlega vera með heiðarlega tilraun til að drepa Leikúsið okkar, Leikhúsið okkar allra Vestmannaeyinga. Ég mótmæli þessu harðlega. Ég hvet bæinn til að endurskoða mál sitt. Þetta á enga samleið og þetta á eftir að drepa niður Leikfélagið. Leikfélagið okkar er það það sem við viljum?

 

Sigríður Diljá Magnúsdóttir.

kvika

Kvika - menningarhús

Leikfélag Vestmannaeyja

leikhus_2016

Stólalaus salurinn

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.