Lögregla fékk tilkynningu hálftíma fyrr um átök

Ekki unnt að sinna konunni vegna anna fyrr um nóttina

21.September'16 | 15:29
paley.jpg.992x620

Páley Borgþórsdóttir, lögreglustjórii.

Lögreglunni í Vestmannaeyjum var tilkynnt um átök milli karlmanns og konu ríflega hálftíma áður en hún kom á vettvang. Maðurinn hefur verið dæmdur í gæsluvarðhald - grunaður um að hafa ráðist á konuna og nauðgað henni.

Í úrskurði Héraðsdóms Suðurlands segir:

,,Í greinargerð lögreglustjóra kemur fram að veitingamaðurinn, D, á veitingastaðnum [...], hafi hringt á lögreglu kl. 04.39 og tilkynnti um að kærði, X, og áðurnefnd A væru í átökum fyrir utan staðinn. Vegna anna hafi lögregla ekki getað sinnt tilkynningunni."

Ennfremur segir í greinargerð lögreglustjóra: 

,,Að lögreglu hafi borist tilkynning frá neyðarlínu kl. 05.13 aðfaranótt 17. september sl., um slasaðan einstakling með áverka á höfði fyrir utan [...] í Vestmannaeyjum. Við komu lögreglu á vettvang hafi tilkynnandi, B, verið að hlúa að nakinni konu á götunni og hafi konan verið með mikla áverka í andliti og föt hennar legið þar hjá."

Páley Borgþórsdóttir, lögreglustjóri segir í samtali við ruv.is að lögreglumenn á vakt hafi verið að handtaka þegar fyrri tilkynning barst. Það geti komið fyrir, sér í lagi á landsbyggðinni, að ekki sé mögulegt að sinna öllum verkefnum samstundis vegna fámennis. „Menn geta ekki verið á tveimur stöðum á sama tíma. Það var fyrst tilkynnt um ágreining en ekki ofbeldi.“

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is