Eimskip bauð í smíði og rekstur nýrrar ferju

16.September'16 | 13:24

Eimskip lagði í gær fram tilboð í B hluta útboðs Ríkiskaupa, í smíði og rekstur á nýrri Vestmannaeyjaferju. Tilboðin gera ráð fyrir að Eimskip smíði nýja ferju sem yrði afhent um mitt ár 2018 og myndi félagið sjá um rekstur og þjónustu ferjunnar allt til ársins 2030. 

Heildartilboð Eimskip í að smíða nýja ferju og sjá um rekstur hennar í 12 ár liggur á bilinu 8,1 – 9,4  milljarðar króna. Eimskip hefur unnið tilboðið með sínum færustu sérfræðingum og í samstarfi við erlendar skipasmíðastöðvar, að því er segir í tilkynningu frá Eimskip.

Eimskip leggur ekki fram tilboð í A hluta útboðsins sem snýr að því að smíða nýtt skip og selja til ríkisins. Ekki liggur fyrir á þessari stundu hvort ríkið tekur tilboðum í A-hluta eða B-hluta. Ef A hluti verður fyrir valinu og ríkið semur beint við skipasmíðastöð má búast við að reksturinn verði boðinn út síðar. 

Samkvæmt skilmálum útboðsins hafa Ríkiskaup 18 vikur til að meta innsend tilboð og því liggur ekki fyrir á þessari stundu hvort  tilboði Eimskips verði tekið. Málið er nú í höndum ríkisins að meta tilboðin. 

Gylfi Sigfússon, forstjóri Eimskips hafði þetta um málið að segja:

„Eimskipafélagið hefur séð um rekstur á Herjólfi frá árinu 2006. Félagið hefur mjög góða þekkingu á þessum rekstri og við teljum okkur vera vel til þess fallin að smíða nýtt skip í samstarfi við erlendar skipasmíðastöðvar sem og að sjá um rekstur ferjunnar til næstu ára. Smíði á nýrri ferju er ætlað að bæta samgöngur á milli lands og Eyja og það væri því frábært tækifæri fyrir Eimskip að halda þessu verkefni áfram.  Það er von mín að þessi nýja ferja auki verulega tíðni ferða á milli lands og Eyja í gegnum Landeyjahöfn þar sem þetta er þjóðvegurinn til Eyja.“ 

 

Þessu tengt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.