Páll Magnússon:

Telur ekki ástæðu til að breyta listanum

12.September'16 | 12:14

Páll Magnússon, fyrrverandi útvarpsstjóri, sem náði öruggu kjöri í fyrsta sæti Sjálfstæðisflokksins í Suðurkjördæmi um helgina, er ekki hlynntur því að breytingar verði gerðar á listanum í ljósi slakrar útreiðar kvenna í prófkjörinu. Þetta sé niðurstaða atkvæðagreiðslu flokksmanna.

„Það væri sérkennileg birtingarmynd á lýðræði ef einhverjar stofnanir inni í flokknum ætluðu síðan að hundsa þessa niðurstöðu sem er tekin til jafns af konum og körlum, fjögur þúsund manns,“ sagði Páll í viðtali í Morgunútvarpinu á Rás 2 og greint er frá á ruv.is.

 

Engum hefði dottið í hug að það hefði verið af kynbundnum ástæðum að Ragnheiður Elín Árnadóttir og Unnur Brá Konráðsdóttir fengu góða kosningu í prófkjöri flokksins fyrir síðustu Alþingiskosningar.  „Það hefði verið fólgin í því talsverð mannfyrirlitning, að minnsta kosti kvenfyrirlitning, að segja að þær hefðu náð þessum góðum árangri af því að þær væru konur. Það er samstofna kvenfyrirlitning falin í því að segja að konur nái slæmum árangri af því þær eru konur. Menn verða að líta til þess að konur geta líka farið illa út úr prófkjörum af pólitískum ástæðum.

Konur náðu mjög góðum árangri í Reykjavík. Dettur einhverjum í hug að halda því fram að þessar glæsilegu konur og frambjóðendur í Reykjavík hafi náð þessum árangri af því að þær eru konur. Það gildir nefnilega það sama hinum megin á endanum að það er heldur ekki heldur hægt að halda því fram að konur nái slæmum árangri af því að þær eru konur.“

Páll segir slaka útkomu kvenna ekki samantekin ráð. „Það er ekki eins og þetta sé samsæri vondra manna gegn konum. Þetta eru fjögur þúsund manns sem hafa kosið sér þennan lista og það er nú varla hægt að hugsa sér lýðræðislegri aðferð til að gera þetta. Við verðum þá bara að takast á við það með kostum þess og göllum. Þetta er atgervisfólk sem er þarna en ég er ekkert að draga dul á það að það hefði verið heppilegra ef listinn hefði annað yfirbragð að þessu leyti.“

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).