Ragnheiður Elín hættir í stjórnmálum

11.September'16 | 15:52

Ragnheiður Elín Árnadóttir, iðnaðar- og viðskiptaráðherra, segir í stöðufærslu á Facebook-síðu sinni að hún ætli að kveðja stjórnmál að loknum þessu kjörtímabili. Hún sóttist eftir sóttist eftir því að leiða lista Sjálfstæðisflokksins í Suðurkjördæmi en hafnaði í fjórða sæti.

Pistill Ragnheiðar Elínar í heild sinni:

Stjórnmálin hafa verið minn starfsvettvangur í tæpa tvo áratugi. Ég var aðstoðarmaður ráðherra í níu ár í þremur ráðuneytum, hef verið þingmaður í tæp tíu ár bæði í stjórn og stjórnarandstöðu, verið þingflokksformaður og ráðherra. Ég hef tekið þátt í að skrifa söguna og verið í forystu í stjórnmálum á gríðarlega miklum umbrotatímum í sögu þjóðarinnar. Það hefur verið stórkostlegt að vinna við það að bæta samfélagið, sjá hugmyndir verða að veruleika.

Innan míns flokks hef ég líka skrifað söguna, ég er fyrsta konan í 87 ára sögu hans sem hefur leitt framboðslista í gegnum tvennar kosningar og engin kona hefur leitt kjördæmi lengur en ég. Ég er fyrsta konan úr landsbyggðarkjördæmi sem verður ráðherra fyrir Sjálfstæðisflokkinn og fyrsti ráðherra flokksins af Suðurnesjum. Þessu hef ég öllu barist fyrir og tekið alla þá slagi sem hefur þurft til.

Þessa reynslu mína og þekkingu langaði mig að nýta áfram í þágu hugsjóna Sjálfstæðisflokkins og hagsmuna Suðurkjördæmis og landsins alls. Þess vegna bauð ég mig fram til þess að leiða framboðslistann í þriðja sinn. Ég hef tekið þátt í fjórum prófkjörum - fagnað sigri í þremur þeirra en náði ekki því marki sem að var stefnt nú. Með sama hætti og ég hef fagnað þeim skilaboðum sem í sigrunum hafa falist meðtek ég skilaboðin sem niðurstaða gærdagsins gefur til kynna.

Nýjum oddvita óska ég til hamingju með sigurinn. Hans bíður það verkefni að leiða þetta stórbrotna kjördæmi sem er uppfullt af tækifærum og einstaklega góðu fólki sem hefur verið frábært að vinna með.

Ég vil þakka stuðningsmönnum mínum fyrir frábæra baráttu, fyrir gleðina, hvatninguna og takmarkalausa traustið sem mér hefur verið sýnt. Ég læt þessu hér með lokið og kveð stjórnmálin að loknu þessu kjörtímabili.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).