2000 atkvæði talin:

Óbreytt röð - Ragnheiður nálgast þriðja sætið

11.September'16 | 02:26
af_rea_pm

Ásmundur er í öðru sæti, Ragnheiður í því fjórða og Páll situr í því fyrsta þegar 2000 atkvæði hafa verið talin.

Þegar um helmingur atkvæða hefur verið talin er röð efstu fimm í prófkjöri Sjálfstæðisflokksins er óbreytt frá fyrstu tölum. Páll Magnússon er nú kominn niður í 44,6 prósent atkvæða í fyrsta sætið, en hafði 50,7 prósent í fyrstu tölum.

Ragnheiður Elín Árnadóttir, iðnaðar- og viðskiptaráðherra, er hársbreidd frá því að komast upp í þriðja sæti, úr því fjórða sem hún skipar nú.

Páll Magnússon er með 44,6 prósent atkvæða í fyrsta sæti og 71,2 prósent allra kjósenda settu hann í fyrsta til fimmta sæti. Ragnheiður Elín kemur næst með 27,3 prósent og Ásmundur Friðriksson með 23,1 prósent. Bæði bæta við sig frá fyrstu tölum.

Ásmundur er með 48,7 prósent atkvæða í fyrsta og annað sæti og 71,3 prósent alls. Hann er með níu prósentustiga forskot á Ragnheiði Elínu sem er með 39,9 prósent í tvö efstu sætin og 59,3 prósent alls, að því er fram kemur í frétt Rúv.is.

Aðeins munar fimmtán atkvæðum á Vilhjálmi Árnasyni og Ragnheiði Elínu í þriðja sæti þegar rétt tæplega helmingur atkvæða hefur verið talinn. Hann er með 48,0 prósent atkvæða í þrjú efstu sætin en hún 47,3 prósent. Vilhjálmur nýtur stuðnings 71,8 prósenta kjósenda í fyrstu fimm sætin.

Ragnheiður Elín er með 53,7 prósent atkvæða í fjórða sæti, ellefu prósentustigum meira en Unnur Brá Konráðsdóttir. Unnur Brá er með 53,4 prósent atkvæða í fyrsta til fimmta sæti.

 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.