Ásmundur Friðriksson skrifar:

Páll Magg hræddur við Ása Friðriks

9.September'16 | 08:21

Stuðningsmenn Páls Magnussonar beita þeirri aðferð að útiloka mig frá umræðunni. Það er gert með því að snúa staðreyndum á hvolf. Þeir bera það út á meðal fólks hvar sem þeir koma að baráttan á lokasprettinum snúist um hvort Ragnheiður Elín eða Páll hljóti 1. sætið.

Staðreyndin er sú að baráttan stendur á milli mín og Páls og þess vegna er allt gert til að útiloka mig frá umræðunni. Þetta trix er gamalt í kosningabókinni og reyndir stuðningsmenn í hópi Páls kunna þau vinnubrögð utanbókar.

Ég ætlaði aldrei að beygja af leið í minni prófkjörsvinnu og fara að svara óheiðarlegum vinnuaðferðum því þá gerði ég lítið annað. Ég vil taka fram að hingað til hef ég ekki haft ástæðu til að gera athugasemdir við vinnubrögð Páls og hans fólks, enda sómafólk í þeirra herbúðum.

Samkvæmt öllum kennitölum, upplýsingum fólks og tilfinningu þekktra kosningasérfræðinga stendur baráttan á milli okkar Páls og hefur gert lengi. Það er auðvitað kaldhæðni í því að rótgróinn sjálfstæðismaður etji kappi við innmúraðan krata af Túngötunni í prófkjöri Sjálfstæðisflokksins. Ég býð Pál velkominn í hópinn og tek undir með þeim sjálfstæðismönnum sem fagna komu hans í flokkinn en hann þarf að læra mannganginn í Sjálfstæðisflokknum og kynnast fólkinu áður en hann tekur að sér að leiða listann.

Ég er tilbúinn að leiða listann og tel mig klárann í þann slag og býð Pál velkominn um borð.

Ásmundur Friðriksson

Alþingismaður.

Höfundur: Ásmundur Friðriksson.

F. í Reykjavík 21. jan. 1956. For.: Friðrik Ásmundsson (f. 26. nóv. 1934) skipstjóri og skólastjóri og Valgerður Erla Óskarsdóttir (f. 24. maí 1937). M. Sigríður Magnúsdóttir (f. 26. jan. 1958) matráður. For.: Magnús G. Jensson og Kristín Guðríður Höbbý Sveinbjörnsdóttir. Börn: Ása Hrönn (1982), Erla (1984), Magnús Karl (1991). Sonur Ásmundar og Sigurlaugar Sigurpálsdóttur: Friðrik Elís (1975). Stjúpdóttir, dóttir Sigríðar: María Höbbý Sæmundsdóttir (1977).
      Gagnfræðapróf Skógaskóla 1973.
      Stundaði netagerð og sjómennsku 1970-1972. Vann við hreinsun Heimaeyjar sumarið 1973. Verkstjóri hjá Viðlagasjóði við hreinsun og endurreisn og uppgræðslu Heimaeyjar 1974-1978. Framleiðslu- og yfirverkstjóri hjá Vinnslustöð Vestmannaeyja 1978-1986. Sjálfstætt starfandi blaðamaður 1980-2003. Framkvæmdastjóri Samkomuhúss Vestmannaeyja 1986. Rak fiskvinnslufyrirtækið Kútmagakot ehf. 1988-2003. Framkvæmdastjóri Knattspyrnudeildar Keflavíkur 2004. Verkefnastjóri Ljósanætur 2006. Verkefnastjóri í atvinnu- og menningarmálum hjá Reykjanesbæ 2008. Bæjarstjóri Sveitarfélagsins Garðs 2009-2012.
      Í þjóðhátíðarnefndum Vestmannaeyja 1974-1996. Formaður handknattleiksdeildar Þórs 1974-1978. Formaður Eyverja, félags ungra sjálfstæðismanna, 1981-1984. Í stjórn SUS 1983-1987. Í flokksráði Sjálfstæðisflokksins og í stjórn fulltrúaráðs sjálfstæðisfélaganna í Eyjum 1982-1986.Formaður íþrótta- og tómstundaráðs Vestmannaeyja 1982-1986. Formaður ÍBV 1994-1999. Formaður knattspyrnudeildar ÍBV 1999-2002. Stofnandi og formaður hollvinasamtaka Heilsustofnunar Náttúrulækningafélags Íslands í Hveragerði, NLFÍ, 2005-2011. Í stjórn Félags myndlistarmanna í Reykjanesbæ 2007-2008. Stofnandi Lista- og menningarfélagsins í Garði 2009. Stjórnandi listaverkefnisins Ferskir vindar í Garði 2010. Formaður Sjálfstæðisfélagsins í Garði frá 2012.

Alþm. Suðurk. síðan 2013 (Sjálfstæðisflokkur).
Atvinnuveganefnd 2013-, velferðarnefnd 2013-.

Ritstjóri: Fylkir, málgagn sjálfstæðismanna í Vestmannaeyjum (1986-1988).

Sama fargjald með Herjólfi í Landeyjahöfn og Þorlákshöfn Sanngjarnar kjarabætur til eldra fólks

Ásmundur Friðriksson skrifar:

Páll Magg hræddur við Ása Friðriks

Er vilji til að gera þingið betra?

Minning: Sigurlás Þorleifsson

Ferðasjóður íþróttafélaga

Auðlindagjald: Skattur eða greiðsla fyrir aðgang?

Mikilvægar sveitarstjórnarkosningar að vori

Þakklætið er mér efst í huga

Skattahugmyndir VG og Samfylkingar er árás á kjör fólks

Kostnaðurinn vegna hælisleitenda

Við lækkum verðlag, skatta og gjöld. Við hækkum laun og kaupmátt

Starfið er opin bók

Allt fasteignir - Fasteignasalan Eldey

Hefur þú hugmynd?

Fréttaskot - Eyjar.net

Viðhorfskönnun til samgangna og bæjarmála

Fréttir

Íris orðin bæjarstjóri

Ósætti í nýrri bæjarstjórn í Eyjum

ÍBV tekur á móti Grindavík í dag

Mest lesið

Sjúkraflutningur með Herjólfi - ófært fyrir þyrlu Gæslunnar

Dagskrá Þjóðhátíðar að taka á sig mynd

Tímamót í sögu Vestmannaeyjabæjar

Hafna athugasemdum nágranna