Knattspyrnudeild ÍBV

Tjá sig ekki frekar um brotthvarf Bjarna

22.Ágúst'16 | 13:24
bjarni_jo_ibv

Myndin er tekin þegar Bjarni samdi á sínum tíma við ÍBV. Með honum á myndinni eru knattspyrnuráðsmennirnir Hannes Gústafsson og Ingi Sigurðsson.

Þær fréttir komu eins og þruma úr heiðskíru lofti fyrir flesta fótboltaáhugamenn um helgina þegar ÍBV tilkynnti að Bjarni Jóhannsson væri hættur störfum, viku eftir að Eyjamenn léku til úrslita í Borgunarbikarnum.

Ekki hefur verið opinberað hver ástæðan fyrir brotthvarfi Bjarna er en í yfirlýsingu segir að Bjarni hafi sjálfur óskað eftir starfslokum. ÍBV ætlar ekki að tjá sig frekar um brotthvarf Bjarna, segir í frétt vefsíðunnar fotbolti.net.

„Þetta er bara hans mál. Það eru persónulegar ástæður og ekkert sem við komum til með að tjá okkur um. Þetta er eitthvað sem við áttum ekki von á en það kemur stundum eitthvað upp sem breytir hlutunum," segir Óskar Örn Ólafsson, formaður knattspyrnudeildar ÍBV.

Ekki hefur náðst í Bjarna sjálfan vegna málsins.

Alfeð Elías Jóhannsson, sem var aðstoðarþjálfari Bjarna, tekur við þjálfun ÍBV ásamt Ian Jeffs „fyrst um sinn" eins og segir í fréttatilkynningunni. Mikill óstöðugleiki hefur verið í þjálfaramálum ÍBV undanfarin ár og breytingar tíðar.

Bjarni tók við ÍBV eftir síðasta leiktímabil, en hann þekkir gríðarlega vel til í Eyjum eftir að hafa þjálfað liðið frá 1997 til 1999. ÍBV tapaði fyrir Fylki í fallbaráttuslag í síðustu viku en Eyjaliðið er í tíunda sæti og mætir Víkingi Reykjavík í kvöld.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).