Árni Johnsen gefur kost á sér í prófkjöri

Sjálfstæðisflokks­ins í Suður­kjör­dæmi

4.Ágúst'16 | 07:43

Árni Johnsen gefur kost á sér í prófkjöri Sjálfstæðisflokksins á Suðurlandi fyrir komandi kosningar. Þetta kemur fram í aðsendri grein hans í Morgunblaðinu í morgun. Hann fer hörðum orðum um þingmenn flokksins í kjördæminu og segir þá hafa bolað sér burt.

Árni hefur gegnt þingstörfum í 20 ár með hléum, síðast árið 2013. Hann gaf kost á sér fyrir síðustu Alþingiskosningar en hlaut ekki náð kjósenda í prófkjöri Sjálfstæðisflokksins. Hann segir þá frambjóðendur sem enduðu í þremur efstu sætum prófkjörsins hafa unnið skipulega að því að fæla fólk frá því að kjósa hann.
 
Það eru þau Ragnheiður Elín Árnadóttir, Unnur Brá Konráðsdóttir og Ásmundur Friðriksson. Í greininni í Morgunblaðinu segir hann oddvitann hafa kallað fimm efstu í prófkjöri til fundar við sig. Þar hafi hún lýst því yfir að spennandi tímar væru framundan í kjördæminu því flokkurinn væri laus við Árna Johnsen.

Árni spyr sig hvað þau þrjú efstu hafa gert síðustu þrjú ár. „Ekki neitt, hreinlega ekki neitt sem hefur komið Suðurkjördæmi til góða," segir hann.

Árni er 72 ára, sem hann segir lágan aldur miðað við alþjóðastjórnmál.

 

Ruv.is.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.