Uppfært

Gengu framhjá umsækjanda með mannauðsstjóragráðu

í stöðu starfsmannastjóra hjá Vestmannaeyjabæ

26.Júlí'16 | 08:00

Nýlega var ráðið í stöðu starfsmannastjóra Vestmannaeyjabæjar og vakti ráðningin athygli enda var eiginmaður lögreglustjóra bæjarins, Páleyjar Borgþórsdóttur, fyrir valinu sem nýlega gekk fram fyrir skjöldu sem einn helsti pólitíski stuðningsmaður bæjarstjórans, Elliða Vignissonar.

Í auglýsingu bæjarins vegna starfsins eru ekki gerðar neinar kröfur um menntun þrátt fyrir að slíkt hafi tíðkast með önnur störf sem bærinn hefur auglýst til umsóknar. Nýráðinn starfsmannastjóri er kennaramenntaður en gengið var framhjá umsækjanda með meistaragráðu í mannauðsstjórnun.

Þetta segir í frétt DV um málið. Þar er rætt við Rut Haraldsdóttur, framkvæmdastjóra stjórnsýslu- og framkvæmdasviðs hjá Vestmannaeyjabæ, sem segir að almennt sé ekki tekið fram í auglýsingum bæjarins að viðkomandi þurfi að hafa háskólamenntun. „Það á við í þessu tilfelli og er það gert til að veita sem flestum tækifæri til að sækja um starfið, bæði reynslumiklum einstaklingum á sviði stjórnunar, mannaforráða sem og menntunar,“ segir Rut. Þá ítrekar hún að menntun skipti að sjálfsögðu máli og tillit sé tekið til hennar við mat á hæfni umsækjenda. „Aðrir þættir starfsins geta haft meira vægi og er þar átt við þekkingu, starfsreynslu og færni í mannlegum samskiptum,“ segir Rut.

Að hennar sögn liggja ekki fyrir skriflegar reglur hjá bænum varðandi hvernig skuli staðið að mati á umsóknum. „Sviðsstjórar hafa lagt áherslu á að umsóknir séu metnar á eins hlutbundinn hátt og hægt er út frá auglýsingu um starf. Alls sóttu 7 aðilar um starfið. Fjórir þeirra voru metnir til frekari skoðunar út frá þekkingu, starfsreynslu og menntun. Rætt var við alla þessa aðila og leitað umsagna. Eftir þá vinnu lá niðurstaðan fyrir,“ segir Rut.

 

Uppfært kl. 10.12: Rut Haraldsdóttir segir í samtali við Eyjar.net vegna málsins að hún hafi tekið eftirfarandi fram í skriflegu svari sínu til DV:

,,Varðandi auglýsingar um laus störf á vegum sveitarfélagsins þá kom það skýrt fram hjá mér  í texta til þeirra að „Þegar ekki eru um lögverndað starfsheiti að ræða er almennt ekki tekið fram í auglýsingu að  viðkomandi þurfi að hafa háskólamenntun“.  Ef skoðaðar eru auglýsingar frá okkur þá má vel sjá þetta."

 

Nánar má lesa um málið hér.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).