Vilja láta endurtaka stjórnarkjör

24.Júlí'16 | 12:04

Seil, stærsti hluthafi Vinnslustöðvarinnar hf., hefur óskað eftir að boðað verði til hluthafafundar til að kjósa nýja stjórn. Í yfirlýsingu frá Seil kemur fram að umræður og deilur hafi skapast um stjórnarkjör á aðalfundi Vinnslustöðvarinnar hf. 6. júlí síðastliðinn og hafi Seil ehf., sem sé eigandi 40,5 prósent hlutafjár og stærsti hluthafinn í félaginu.

Í ljósi þess óskað eftir því við stjórn félagsins að boðað verði til hluthafafundar.Þar verði stjórnarkjörið endurtekið svo allur vafi verði tekinn af um hver sé rétt kjörin stjórn félagsins.

„Ósk Seilar um hluthafafund var birt stjórn Vinnslustöðvarinnar með bréfi dagsettu 15. júlí sl. Að mati Seilar er þetta einföld og eðlileg leið til að velja félaginu stjórn í samræmi við vilja hluthafa.

Hluthafar í Vinnslustöðinni eru liðlega 240 talsins. Á aðalfundinum 6. júlí sl. var mætt fyrir eigendur 99,35% hluta í félaginu. Í margfeldiskosningu til fimm manna stjórnar þarf hver stjórnarmaður að fá 16,67% atkvæða til að ná kjöri.

Í hlutafélagi fer hver með atkvæði í hlutfalli við eignarhlut sinn. Guðmundur Kristjánsson, aðaleigandi Brims hf., og aðilar honum tengdir fara með 32,88% eignarhlut í Vinnslustöðinni samkvæmt tilkynningu til fyrirtækjaskrár ríkisskattstjóra frá marsmánuði 2016.

Guðmundur hefur haldið því fram opinberlega, sbr. m.a. fréttir RÚV 8. júlí sl., að stjórnarkjör á aðalfundi Vinnslustöðvarinnar hafi verið ólögmætt. Því hefði mátt ætla að hann tæki ósk um hluthafafund með nýju stjórnarkjöri fagnandi til að fá hreinar línur og að vilji hluthafa fengi að ráða. Því er samt ekki að heilsa. Seil ehf. hefur borist erindi frá lögmanni Brims þar sem hótað er lögbanni, málssókn og bótakröfum vegna óskar um hluthafafund. Slík viðbrögð eru því miður kunnugleg úr samskiptum þessa tilteknu hluthafa við meðeigendur sína frá fyrri tíð,“ segir í yfirlýsingunni.

Vinnslustöðin í Vestmannaeyjum er eitt stærsta sjávarútvegsfyrirtæki landsins og segir á heimasíðu fyrirtækisins að það sé með um 250 fastráðna starfsmenn og geri út níu skip til uppsjávar-, tog- og netaveiða.

 

Vísir.is greindi frá.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).