Fiskiðjan utanhússframkvæmdir:

Þörf á 56 milljóna aukafjárveitingu

21.Júlí'16 | 11:18

Á fundi framkvæmda- og hafnarráðs lagði framkvæmdastjóri fram minnisblað vegna framkvæmda að Ægisgötu 2, Fiskiðjunni. Fram kom að heildarkostnaður framkvæmda, þ.e. utanhússframkvæmda, hreinsunar og uppbyggingar innahúss verði 270 milljónir króna sem skiptist á árina 2014-2017.

Gert er ráð fyrir að framkvæmt verði á árinu 2016 fyrir rúmlega 155 milljónir króna. Fram kom að þörf er á 56 milljóna aukafjárveitingu til að hægt sé að klára þau verkefni sem þarf til að hægt sé að koma húsinu í notkun, segir í bókun ráðsins.

Ráðið samþykkti að óska eftir aukafjárveitingu vegna framkvæmda í Fiskiðjunni upp á 56 milljónir króna á yfirstandandi fjárhagsári.
 

Ágreiningur um hve hár kostnaðurinn er

 
Fulltrúi E-lista bókar:
Harma það að kostnaður vegna framkvæmda á Fiskiðjunni upp á 158 milljónir, stefni í að verða allt að 300 milljónir.
 
Georg Eiður Arnarson
 
Fulltrúar D-lista bóka:
Kostnaðaráætlun vegna utanhússframkvæmda var 158 milljónir króna og stefna í það að verða 184 milljónir króna. Í minnisblaði framkvæmdastjóra kemur fram að heildarkostnaður Vestmannaeyjabæjar við framkvæmdir í Fiskiðjunni sé áætlaður 270 milljónir króna. Er þar með talið frágangur og hreinsun innanhúss sem ekki voru í áætlunum utanhússframkvæmdar enda um annað verk að ræða. Uppsetning fulltrúa E-lista er því villandi og röng.
 
Sigursveinn Þórðarson
Jarl Sigurgeirsson
Sæbjörg Snædal Logadóttir
Sindri Ólafsson

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).