Quarashi skoðar hvort þeir spili á Þjóðhátíð

21.Júlí'16 | 18:38

Hljómsveitin Quarashi hefur ekki tekið ákvörðun um hvort hún ætli að halda því til streitu að spila á Þjóðhátíð í Vestmannaeyjum í ár. 

Hljómsveitin ætlar að funda um málið í kvöld en segist styðja sveitirnar fimm sem hóta að hætta við að spila nema stefnubreyting verði hjá lögregluyfirvöldum í Vestmannaeyjum varðandi kynferðisbrot.

Frá þessu er greint á Visir.is

Fimm hljómsveitir, sem eiga að spila á Þjóðhátíð í Vestmannaeyjum, segja í sameiginlegri yfirlýsingu, að í ljósi orðræðu og verklags lögreglustjórans í Vestmannaeyjum undanfarna daga sjái þær ekki annan kost í stöðunni en að draga sig út úr dagskrá Þjóðhátíðar í ár nema skýr stefnubreyting komi frá bæjaryfirvöldum. Kynferðisbrot eigi aldrei að þagga niður.

Í samtali við Vísi segir Sölvi Blöndal, liðsmaður Quarashi, að sveitin styðji framtak sveitanna fimm og finnist það flott. Quarashi vonist til að Þjóðhátíðarnefnd og lögreglustjórinn í Vestmannaeyjum breyti afstöðu sinni.

Unnsteinn Manúel Stefánsson, meðlimur Retro Stefson, sagði í samtali við Síðdegisútvarpið á Rás 2 fyrr í dag að málið snúist um að axla ábyrgð. „Það er oft verið að verja heiður bæjarins frekar mikið og þau eru líka oft að stilla þessu upp sem einhvers konar svona stríði á milli okkar „lattelepjandi liðsins" hérna í 101 og svo Vestmannaeyinga. Þetta er ekki það. Þetta snýst bara um að þau taki ábyrgð á að halda svona stóra tónleikahátíð," segir Unnsteinn Manúel. 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%