Uppsagnir á HSU:

Kannast ekki við að hafa verið boðaður á upplýsingafund vegna hagræðingar

3.Júlí'16 | 10:32

Herdís Gunnarsdóttir forstjóri HSU sendi frá sér yfirlýsingu á föstudaginn vegna fréttar Eyjar.net um uppsagnir á stofnuninni. Í niðurlagi greinarinnar segir hún að þingmönnum hafi verið kynntar þessar fyrirætlanir og haldinn upplýsingafundur með sveitarstjórnum á Suðurlandi 31. maí s.l. þar sem málefni er varða tiltekt í rekstri og skipulagsbreytingar innan HSU hafi verið kynntar.

Eyjar.net spurði Stefán Óskar Jónasson oddvita minnihlutans í bæjarstjórn Vestmannaeyja hvort hann hafi fengið boð á umræddann fund?

Nei, ég hef ekki fengið neitt boð á fund varðandi hagræðingu á Sjúkrahúsinu. Það hefði nú farið betur ef kjörnir fulltrúar hefðu í það minnsta verið upplýstir um það sem í vændum var - þegar slíkar ákvarðanir eru teknar. Maður veit ekkert hversu margir af þessum starfsmönnum starfa til að mynda hér í Eyjum.

En nú vísar forstjórinn í að fundur hafi verið haldinn síðasta dag maí-mánaðar til upplýsinga fyrir sveitarstjórnir á Suðurlandi?

Ja, ég var í það minnsta ekki boðaður á þann fund og er ekki kunnugt um að neinn af bæjarfulltrúum Vestmannaeyjabæjar hafi verið á slíkum fundi, sagði Stefán Óskar í samtali við Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.