Bæjarstjórn:

Tekist á um hversu marga daga skuli leyfa lundaveiði

í sumar

27.Júní'16 | 06:52

Líkt og Eyjar.net greindi frá var áherslumunur á milli minni- og meirihluta umhverfis- og skipulagsráðs um hversu marga daga skuli leyfa bjargveiðimönnum að veiða lunda í björgum Vestmannaeyja. Málið var tekið fyrir í bæjarstjórn á fimmtudaginn.

 

D-listinn lagði fram svohljóðandi bókun vegna málsins:

 

Meirihluti Sjálfstæðismanna lýsir furðu sinni yfir bókunum E-lista í þessu vandasama máli þar sem verið er að reyna að mæta váglegri stöðu lundastofnins en jafnframt um leið gæta að þeirri menningu sem hefur um alla tíð einkennt úteyjarlíf Eyjamanna.

Á síðasta ári sat fulltrúi E-listans hjá við bókun málsins í ráðinu og á bæjarstjórnarfundi þann 13.júlí 2015 greiddu fulltrúar E-lista gegn því að lundaveiði yrði leyfð í þrjá daga árið 2015 og vildu banna veiðar algjörlega. Vísað var í umsögn Náttúrustofu Suðurlands. Á fundi Umhverfis –og skipulagsráðs frá 14.júní sl. þá leggja fulltrúar E-listans til að veiðitímabilið verði lengt frá því sem var í fyrra. Slík ósk kemur sannarlega ekki fram í áliti Náttúrustofunnar og er það mat þeirra að staða lundastofnsins sé síst betri en undanfarin ár. Hrópandi ósamræmi er því á milli bókana sömu fulltrúa á milli ára.

Meirihluti Sjálfstæðismanna er meðvitaður um þann vanda sem lundastofninn hefur verið í undanfarin ár. Þrátt fyrir það, eru bæjarfulltrúar D-lista sannfærðir um að 3ja daga veiðar, þar sem veiðimenn ganga fram af ítrustu varkárni séu ekki skaðlegar fyrir stofninn. Meirihluti Sjálfstæðismanna tekur því undir bókanir meirihluta Umhverfis –og skipulagsráðs og hvetja veiðimenn til að haga veiðum með þeim hætti að lundinn njóti ætíð vafans.

 

E-listinn bókaði eftirfarandi:

Við hjá Eyjalistanum styðjum það að veiðar verði leyfðar enda eru sérfróðir aðilar almennt þeirrar skoðunar að viðkomubrestur lundastofnsins sé tilkominn vegna breytinga í náttúrunni en ekki veiða. Fulltrúi Eyjalistans lagði til á síðasta fundi Umhverfis- og skipulagsráðs að veiðar yrðu leyfðar í 5 daga eins og gert var áður en veiðidögum var fækkað niður í 3. Bjargveiðimenn hafa sýnt að þeir gangi fram af varkárni við veiðar hér í Eyjum og teljum við að aukning veiðidaga um 2 daga muni ekki hafa áhrif á lundastofninn. Munum við því sitja hjá við afgreiðslu þessa máls.

 

Málið var samþykkt með fimm atkvæðum bæjarfulltrúa Sjálfstæðisflokksins. Fulltrúar E-lista sátu hjá.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.