Makrílvertíðin hafin – fyrsta löndun í Eyjum

24.Júní'16 | 08:08

Makrílvertíðin er hafin en fyrsta afla sumarsins var landað í Vestmannaeyjum á mánudag. Frá þessu er greint í Fiskifréttum. Leyfilegur heildarafli íslenskra skipa er 148 þúsund tonn í ár en hann var til samanburðar 173 þúsund tonn í fyrra.

Mun minna var flutt út af makríl árið 2015 en árið 2014 sökum viðskiptabanns Rússa. Útflutningsverðmæti voru minni í takt við það en að sama skapi var meira til af birgðum sem hafa verið seldar eða verða seldar á þessu ári.

Samkvæmt Fiskifréttum var það Huginn VE sem landaði um 380 tonnum af makríl á mánudag, fyrst íslenskra skipa. Haft er eftir Guðmundi Guðmundssyni skipstjóra að hann telji makrílinn fyrr á ferðinni en í fyrra. Makríll þótti óvenju seinni í fyrr þar sem kalt sjólag hafði áhrif á göngumynstur hans. Þegar leið á sumar og hitastig sjávar hækkað glæddist veiði mjög.

Samkvæmt reglugerð sjávarútvegsráðherra er leyfileg hámarksveiði 148 þúsund tonn en í fyrra ríkti nokkur óvissa um veiðarnar þar sem hart var tekist á um makrílfrumvarpið svokallaða. Ráðherra féll á endanum frá frumvarpinu og á endanum sett reglugerð um veiðarnar líkt og nú og árin á undan. Sem fyrr byggir reglugerðin á veiðireynslu áranna 2007-2009 nema í tilfelli smábáta þar sem veiðin byggir á reynslu áranna 2010-2014.

Útflutningsverðmæti makríls voru mun minni en undanfarin ár samkvæmt tölum Hagstofunnar, eða um 13 milljarðar samanborið við 24 milljarða árið 2014,  21 milljarð árið 2013 og  20 milljarða árið 2012. Að sama skapi var minna magn flutt út árið 2015 en árin á undan þrátt fyrir að veiði hafi aldrei verið meiri, eða 85 þúsund tonn árið 2015 samanborið við 130 þúsund tonn árið 2014. Þannig voru útflutningsverðmæti um 149 krónur að meðaltali á hvert útflutt kíló árið 2015 en 182 krónur árið 2014.

Ástæðan var fyrst og fremst viðskiptabann Rússa sem sett var á um miðjan ágúst eða um það leyti sem helstu viðskipti með makríl voru að hefjast. Íslensk fyrirtæki flutt mest allra af makríl til Rússlands árið 2014.

Birgðastaða í upphafi árs var því góð hjá íslenskum útgerðum og munu þau verðmæti færast inn á árið 2016 en gætu einnig leitt til þess að útgerðir geymi meira af afla sumarsins þar sem eldri afurðir eru óseldar.

 

Rúv.is greindi frá.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.