Stjórnendur GRV:

Vilja aukningu á starfshlutfalli námsráðgjafa

16.Júní'16 | 06:30

Í bæjarráði á þriðjudaginn var tekið fyrir erindi frá stjórnendum Grunnskólans í Vestmannaeyjum (GRV). Þar kom fram ósk frá um aukningu á starfshlutfalli námsráðgjafa.

Skemmst er að minnast breytinga sem gerðar voru á síðasta ári vegna þessarar stöðu, sem sættu gagnrýni m.a af þáverandi námsráðgjafa.

Á þriðjudaginn bókaði bæjarráð eftirfarandi vegna erindis stjórnenda GRV:

,,Bæjarráð þakkar upplýsingarnar og bendir á að fræðslustofnanir eins og aðrar stofnanir sveitarfélagsins vinna eftir rammaáætlun og gerir bæjarráð því ekki athugasemd við hvernig fjármagninu er skipt innan deilda og stofnana. Þá minnir bæjarráð á að nemendur í skólanum eru nú um 520 í 30 bekkjardeildum og hefur fækkað úr um 800 á réttum áratug. Fjöldi starfsmanna og stærð stöðugilda hefur því óhjákvæmlega breytst á þessum tíma.

Við kennslu, stjórnun og námsráðgjöf eru nú 67 starfsemenn þar af eru kennarar 59 í 46,88 stöðugildum. Starfsmenn í öðrum störfum eru 42, en starfsmenn skólans eru alls 109 í 82,23 stöðugildum. Það gera um 6 nemendur fyrir hvern starfsmann. Í nýlegri úttekt fagaðila og kynningu á henni kom skýrt fram það mat þessara óháðu aðila að skólinn væri vel fjármagnaður en mikilvægt gæti verið að skólastjóri nýti sér þann rétt sem hann hefur til að færa fjármagn til í rekstrinum. Undir það tekur bæjarráð."

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-