Ljósnet Mílu:

Eru að ljúka uppsetningu 6 skápa

Með þessum skápum verða yfir 90% heimila í Vestmannaeyjum komin með möguleika á ljósnetstengingu

16.Júní'16 | 14:53

Víða um bæinn eru nú skurðir og er ástæðan sú að starfsmenn Mílu vinna nú hörðum höndum við að koma fleiri heimilum í samband við ljósnetið.

Sigurrós Jónsdóttir hjá Mílu segir í samtali við Eyjar.net að nú sé verið að klára að setja upp 6 skápa í Eyjum og á þá eftir að virkja þá, en það gerist á næstu vikum. Með þessum skápum verða yfir 90% heimila í Vestmannaeyjum komin með möguleika á ljósnetstengingu. Enn standa nokkrar götur út af, og er meiningin að klára þær á næstu mánuðum.

En þeir skápar sem var verið að klára að setja upp núna verða virkjaðir á næstunni og munu þeir klára að tengja megnið af heimilum í Eyjum, segir Sigurrós.

Þær götur sem bætast nú við með uppsetninguna á þessum 6 skápum sem var bara verið að klára, eru:

Brekkugata, Illugagata, Hraunslóð, Brimhólabraut, Hólagata, Heiðarvegur 19-68, Herjólfsgata 11, 12, 14, Hásteinsvegur 45-66, Boðaslóð 18, 20 og 22-27, Vallargata 12-18, Hrauntún, Höfðavegur, Brattagata, Hátún, Hábær og Heiðarbær (hús), Strembugata, Kirkjuvegur 99 og Brimhólar (hús).

Þar sem húsnúmer eru tilgreind, þar eru önnur húsnúmer við göturnar þegar með Ljósnetstengingu.