Fréttatilkynning frá Vegagerðinni:

Stefnt að opnun tilboða í smíði ferju í lok ágúst

Gert er ráð fyrir að nýja ferjan hefji siglingar síðla sumars 2018

10.Júní'16 | 16:29

Ríkiskaup, fyrir hönd Vegagerðarinnar óskar eftir tilboðum í smíði nýrrar Vestmannaeyjaferju eða smíði og rekstur nýrrar ferju til 12 ára.  Þessi tveir kostir verða síðan bornir saman og út frá þeim samanburði valinn einn samningsaðili.  Þar af leiðandi er útboðinu skipt í tvo hluta.

Annars vegar er óskað eftir tilboðum í smíði á nýrri ferju til fólks-, bíla- og vöruflutninga milli  Vestmannaeyja og Landeyjahafnar. Ferjan á að vera um 70 metra löng, 14 metra breið, geta flutt allt að 73 fólksbíla og allt að 540 farþega og vera með djúpristu um 2,8m. Til samanburðar þá getur Herjólfur flutt innan við 56 bifreiða, allt að 525 farþega og er með djúpristu 4,2m.  Nýja ferjan skal vera með tveimur Azipull skrúfum sem gefur henni mikla stjórnhæfni við erfiðar aðstæður.

Hinsvegar er óskað eftir tilboðum í einkaframkvæmd, þ.e. að þjónustuaðili eigi, og byggi ferju í samræmi við lýsingu á ferjunni hér að ofan og annist rekstur ferjunnar milli Landeyjahafnar og Vestmannaeyja.

Vegagerðin býður því út tvo kosti við lausn á þessu verkefni og mun að loknu útboði velja þann kost sem reynist hagkvæmari.

Útboðsgögn verða til afhendingar hjá Ríkiskaupum frá og með miðvikudeginum 15. júní og er stefnt að opna tilboðin fimmtudaginn 25. ágúst nk.  Gert er ráð fyrir að nýja ferjan hefji siglingar milli Landeyjahafnar og Vestmannaeyja síðla sumars 2018.

 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.