Tekist á um skipun stýrihóps:

Minnihlutinn vill fá inn fulltrúa GRV

fráleitt að flytja tillögu sem felur það í sér að undirmenn véli um störf yfirmanna sinna, segir meirihlutinn.

27.Maí'16 | 14:43
hamarsskoli

Hamarsskóli

Á fundi bæjarstjórnar í gær var til umræðu úttekt fyrirtækisins Ráðrík á stöðu GRV í samræmdum prófum. Fræðsluráð var búið að fjalla um umrædda skýrslu og samþykkti í kjölfarið skipun stýrihóps sem fylgja á málinu eftir.

Stýrihópinn skipa Trausti Hjaltason formaður fræðsluráðs, Hildur Sólveig Sigurðardóttir varaformaður fræðsluráðs og Sonja Andrésdóttir fulltrúi E-lista í fræðsluráði.

E listinn lagði fram svohljóðandi bókun vegna málsins:

E-listanum þykir ráðlagt að hafa einnig með í stýrihópnum fulltrúa frá kennurum og skólastjórnendum. Myndu þessir aðilar koma með aukna fagþekkingu inn í hópinn sem ætti að skila faglegri vinnubrögðum og skjótari og betri útkomu fyrir skólann og nemendur.

Auður Ósk Vilhjálmsdóttir
Stefán Óskar Jónasson

D-listinn lagði fram svohljóðandi bókun:

Fræðsluráð fól Ráðrík úttekt ehf. framkvæmd á faglegri úttekt á starfi GRV, því er eðlilegt að stýrihópur sem hefur það hlutverk að vinna að eftirfylgni við úttektina sé skipaður fulltrúum fræðsluráðs. Stýrihópurinn mun kalla til ráðgjafar og samtals hlutaðeigandi aðila hverju sinni.

Á fundi fræsluráðs bárust engin mótmæli varðandi skipun stýrihópsins hvorki frá fulltrúa kennara, stjórnenda GRV né fulltrúa E-listans sem mun jafnframt sitja í stýrihópnum. Þá er minnt á að eitt af hlutverkum stýrihópsins er að fjalla um það álitaefni sem fólgið er í breytingum á skipuriti skólans. það er fráleitt að flytja tillögu sem felur það í sér að undirmenn véli um störf yfirmanna sinna. Hitt er svo annað að til borðsins verða að sjálfsögðu kallaðir aðilar til að vinnna með stýrihópnum, má þar nefna fulltrúa kennara, skólstjórnenda, nemenda, ÍBV, foreldra, fræðsluskrifstofu og úttektaraðila.

Hildur Sólveig Sigurðardóttir
Trausti Hjaltason
Elliði Vignisson
Páll Marvin Jónsson
Birna Þórsdóttir

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.