Dæmdur í níu mánaða fangelsi fyrir að skalla mann á Lundanum

3.Maí'16 | 21:42
lundinn

Árásin átti sér stað á veitingahúsinu Lundanum

Maður var í dag dæmdur í níu mánaða fangelsi fyrir að hafa skallað annan mann á Lundanum í Vestmannaeyjum í janúar. Dómurinn var kveðinn upp hjá Héraðsdómi Suðurlands.

Maðurinn sem varð fyrir högginu rifbeinsbrotnaði í kjölfarið og hlaut roða og bólgur á vinstra kinnbein. Hinn dæmdi játaði að hafa skallað manninn en féllst ekki á það fyrir dómi að af hefði getað hlotist rifbeinsbrot. Það var þó talið sannað með vísan til læknisvottorðs auk þess sem fenginn var dómkvaddur matsmaður til þess að leggja mat á áverkalýsingu. Frá þessu er greint á Vísi.is.

Líkamsárásin átti sér stað þann 9. janúar síðastliðinn en samkvæmt fórnarlambinu hafði hann staðið við salerni inni á skemmtistaðnum og rætt við félaga sína. Hafi þá árásarmaðurinn komið aðvífandi, skallað sig án tilefnis í andlitið og því næst horfið á braut. Við höggið datt fórnarlambið, lenti á borði og féll svo í gólfið. Í gögnum málsins var myndbandsupptaka sem sýndi atburðarrásina.

Maðurinn fékk dæmdar 300 þúsund krónur í miskabætur. Var bótakrafan rökstudd með því að „um hafi verið að ræða grófa atlögu þar sem brotaþoli hafi verið í varnarlausri stöðu gagnvart ákærða. Árásin hafi verið hættuleg en ákærði hafi skallað brotaþola í andlitið þannig að hann fékk högg á andlit og datt á borð með þeim afleiðingum meðal annars að hann rifbeinsbrotnaði.“

Hinn dæmdi er með langan brotaferil. Hann hefur margoft verið sektaður og dæmdur fyrir brot á ávana-og fíkniefnalögum og dæmdur tvisvar áður fyrir líkamsárás. Rauf hann með brotinu skilorð og með vísan til þess var ekki talin ástæða til þess að skilorðsbinda þessa níu mánaða refsingu að nokkru leyti.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.