Greiddi bak­ara verka­manna­laun

15.Apríl'16 | 10:43

Hæstirétt­ur dæmdi í gær bakarí til þess að greiða fyrr­ver­andi starfs­manni sín­um rúm­ar tvær millj­ón­ir króna í van­gold­in laun auk drátt­ar­vaxta og máls­kostnaðar upp á 1,2 millj­ón króna. Sneri Hæstirétt­ur þar með við dómi Héraðsdóms Suður­lands sem hafði áður sýknað baka­ríið.

For­saga máls­ins er sú að starfsmaður­inn, sem er menntaður bak­ari, var ráðinn til starfa við baka­ríið í maí 2012 og lét af störf­um í lok júlí árið eft­ir. Eng­inn ráðning­ar­samn­ing­ur var gerður en á launa­seðlum kom fram að um dag­vinnu bak­ara væri að ræða. Maður­inn, sem er með sveins­próf í bak­araiðn, fékk hins veg­ar ekki greidd laun sem bak­ari held­ur sem al­menn­ur verkamaður.

Maður­inn gerði at­huga­semd við þetta við vinnu­veit­anda sinn og varð niðurstaðan sú að hann léti af störf­um eft­ir versl­un­ar­manna­helg­ina 2013. Úr varð þó að hann hætti fyrr en það. Baka­ríið lagði áherslu á að maður­inn hefði ekki verið ráðinn sem bak­ari held­ur al­menn­ur verkamaður. Fyr­ir vikið ætti ekki við kjara­samn­ing­ur um kjör bak­ara held­ur al­mennra verka­manna.

Hæstirétt­ur benti á að sam­kvæmt lög­um bæri vinnu­veit­end­um skylda til þess að skýra launþegum frá ráðning­ar­fyr­ir­komu­lagi. Fyr­ir vikið yrði baka­ríið að bera hall­ann af skorti á sönn­un um efni ráðning­ar­sam­bands­ins.

„Þegar litið er til mennt­un­ar áfrýj­anda sem bak­ara, að á launa­seðlum hans var jafn­an til­greind dag­vinna bak­ara, sem og að for­svars­mönn­um stefnda auðnaðist ekki í skýrslu­gjöf fyr­ir héraðsdómi að út­lista með trú­verðugum hætti þann grund­vall­armun sem væri á starfs­sviði bak­ara ann­ars veg­ar og aðstoðarmanna þeirra hins veg­ar hef­ur stefnda ekki tek­ist að sanna að áfrýj­andi hafi verið ráðin til al­mennra verka­mannastarfa í baka­ríi hans,“ seg­ir enn­frem­ur í dómsorði.

 

Mbl.is greindi frá.

Hér má lesa dóm Hæstaréttar.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.