Bætt aðgengi að Löngu

Íbúakönnun hafin

11.Apríl'16 | 10:48
Í dag og á morgun verður hægt að kjósa um hvort ráðast skuli í framkvæmdir vegna bætts aðgengis að Löngu. Bæjarstjórn Vestmannaeyja samþykkti að fram fari íbúakönnun. Til að nýta atkvæðarétt sinn eru tvær leiðir í boði.

Annars vegar er hægt að kjósa á skrifstofu Umhverfis -og framkvæmdasviðs að Skildingavegi 5, frá 09-12 báða dagana og hins vegar er um að ræða rafræna kosningu í íbúagátt hér á vefsíðu Vestmannaeyjabæjar. Til þess að geta kosið rafrænt, þarf að sækja um svokallaðan Íslykil, sem er nokkurs konar auðkennislykill á Internetinu.

Til þess að sækja um Íslykil þarf að fara á vefsíðuna http://www.island.is/islykill Þar má sjá tengil „Panta Íslykil“ sem tekur notandann á síðu þar sem hægt er að panta Íslykil. Þar er slegin inn kennitala notandans og merkt við hvernig viðkomandi vill fá Íslykilinn afhentan. Í netbanka/heimabanka eða í bréfpósti á lögheimili. Athugið að það getur tekið allt að viku að fá lykilinn í bréfpósti og því er nauðsynlegt fyrir þá sem ekki hafa aðgang að heimabanka að sækja um lykilinn sem allra fyrst, hafi þeir á annað borð áhuga á að taka þátt í íbúakosningunni með rafrænum hætti.

Eftir að Íslykillinn hefur borist þarf að skrá sig inn á „Mínar síður“ hjá island.is Við það er handhafa Íslykilsins boðið að velja sér nýjan auðkennisstreng sem betur er að muna. Allar nánari upplýsingar um Íslykil Þjóðskrár Íslands má finna á vefsíðunni http://www.island.is/islykill. Einnig er hægt að notast við rafræna auðkenningu í gegnum GSM síma.

Þetta er í annað sinn sem leitað hefur verið beint til bæjarbúa eftir afstöðu til mála af þessu tagi, en í fyrra sinn var um að ræða byggingu hótels við Hástein. Er það von Vestmannaeyjabæjar að sem flestir nýti sér rétt sinn og taki þátt í atkvæðagreiðslunni, segir í frétt frá Vestmannaeyjabæ.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.