Landeyjahöfn opnuð í næstu viku?

7.Apríl'16 | 17:49
Galilei

Galilei 2000 ætti að ná að dýpka næst á sunnudaginn.

„Ef allt gengur að óskum er vonandi hægt að sigla í Landeyjahöfn í lok næstu viku“, segir Fannar Gíslason verkfræðingur á siglingasviði Vegagerðarinnar. Miðað við veðurspá geti belgíska dýpkunarskipið Galilei dýpkað næst á sunnudag. Það taki skipið þrjá daga að ljúka verkinu.

Hann segir að starfsmenn Suðurverks ljúki brátt við að moka foksandi úr höfninni.

Fannar segir að stöðug austanátt hafi valdið því að mikill sandur hafi fokið úr fjörukambinum ofan í höfnina. Suðurverk hafi flutt vel á annan tug þúsunda rúmmetra úr höfninni. Fyrirtækið beitir tveimur stórum gröfum, önnur hefur arm sem er 23 metra langur. Mokað er á tvo risatrukka. Þeir flytja sandinn vestur fyrir höfnina, með fjörukambinum. Þar tekur við jarðýta sem gengur frá efninu.

Gengur æ betur að dýpka

Fannar segir að áhöfn belgíska skipsins gangi æ betur að dýpka, áhöfnin hafi vanist aðstæðum og fengið aðstoð staðkunnugra. Nú sé komið til sögunnar lítið skip sem geti fylgt Galilei. Það sé búið plógi og dragi sandinn frá görðum svo Galilei geti dælt honum upp. „Galilei er afkastaskip, en það er stórt og því þarf að beita þessum aðferðum. Ef öldufar helst eins og spáð er, þá gengur þetta upp í næstu viku. Hafnarkjafturinn er opinn, það vantar bara herslumuninn inni í höfninni“.

 

Rúv.is greindi frá.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.