Landeyjahöfn full af sandi

18.Mars'16 | 20:16

Litlar sem engar líkur eru á að Landeyjahöfn verði opin um páskana. Að sögn verkfræðings hjá Vegagerðinni er innri höfnin full af sandi. Það eru lítil tíðindi að Landeyjahöfn sé lokuð, en ekki er útlit fyrir að hún verði skipgeng á allra næstu dögum. 

Belgíska dýpkunarskipið Galileo 2000 hóf dýpkun í Landeyjahöfn um hádegi í gær. Illa hefur gefið til dýpkunar allt frá því Galileo byrjaði 26. febrúar, þegar hætta varð dýpkun eftir sólarhring. Talið er að nú verði hægt að dýpka með hléum næstu  daga.  Ekkert var unnið í dag og er dýpkunarskipið  í Vestmannaeyjum.

Að sögn Fannars Gíslasonar, verkfræðings hjá Vegagerðinni, hefur veðrið verið til mikilla trafala, hvasst og mikil ölduhæð þannig að dýpkunarskip hefur lítið getað athafnað sig, en einnig hefur verið mikill sandburður inn í höfnina, bæði með straumum en eins sandfok. Það sem sé öðruvísi núna en áður sé að innri höfnin sé full af sandi, venjulegast sé hindrunin í hafnarmynninu, en nú sé höfnin full af sandi. Aðspurður segir hann ekki líkur á að hægt verði að sigla í Landeyjahöfn um páskana.

Þá segir hann til skoðunar hvort rétt sé að hafa íslenska skipstjóra dýpkunarmönnum til halds og trausts.

 

Ruv.is greindi frá.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.