Ljósmyndasýning Stefáns Hauks

Úkraína: Átök og andstæður

17.Mars'16 | 14:21

Stefán Haukur Jóhannesson ráðuneytisstjóri opnar ljósmyndasýningu af einstökum ferðum sínum um stríðshrjáð svæði Úkraínu og víðar laugardaginn 19. mars kl. 13.00. Sýningin er til húsa í Einarsstofu í Safnahúsinu.                                                     

Skömmu eftir að átök brutust út í Úkraínu í upphafi árs 2014 fór Stefán Haukur Jóhannesson til starfa sem yfirmaður alþjóðlegs eftirlitsteymis Öryggis og Samvinnustofnunar Evrópu (ÖSE)* í Kænugarði. 

Á sýningunni eru ljósmyndir sem Stefán Haukur tók í störfum sínum en hann ferðaðist m.a. til Chernobyl sem var vettvangur eins stærsta kjarnorkuslyss sögunnar árið 1986 og fór að flaki malasísku farþegavélarinnar sem skotin var niður skammt frá rússnesku landamærunum 17. júlí 2014. Auk þess eru ljósmyndir af mannlífinu í Kænugarði, einkum Maidan torgi í miðborginni sem var vettvangur borgarabyltingarinnar. 

Stefán Haukur Jóhannesson er ráðuneytisstjóri utanríkisráðuneytisins. Hann er fæddur og uppalinn Eyjapeyi, sonur hjónanna Jóhannesar Tómassonar (í bankanum) og Guðfinnu Stefánsdóttur (Minnu í Skuld). Hann á að baki langan feril í utanríkisþjónustunni. Hann hefur gegnt ýmsum ábyrgðastöðum heima og erlendis m.a. sem sendiherra Íslands í Genf og Brussel. Stefán Haukur leiddi samningaviðræður um aðild Rússlands að Alþjóðaviðskiptastofnunni, var aðalsamningamaður Íslands í viðræðum við ESB auk þess að hafa gegnt formennsku í gerðardómi í milliríkjadeilu um alþjóðaviðskipti. Stefán Haukur er áhugaljósmyndari og er myndavélin iðulega með í för við leik og störf.

Stefán Haukur segir frá átökunum og byltingunni í Úkraínu og störfum sínum þar. Tónlistarflutningur á opnuninni á laugardag er í höndum Kitty Kovács og Balázs Stankowsky.

 

Ljósmyndasýningin er í Einarsstofu, í Safnahúsi Vestmannaeyja, og stendur yfir 19. mars –19. apríl. Opið á opnunartíma Safnahúss, virka daga 10-18 og laugardaga 13-16. Opnunarhelgi sýningarinnar verður opið laugardag og sunnudag 13-17.

 

* ÖSE gegnir mikilvægu hlutverki viðeflingu öryggis, mannréttinda, lýðræðis og átakavarna í aðildarríkjunum sem eru fimmtíu og sjö talsins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.