Stutt eftir af loðnuvertíðinni

16.Mars'16 | 11:30

Eftir illviðratíð síðustu viku hefur glæðst á loðnuveiðum og ágæt veiði í gær að sögn skipstjóra á miðunum. Í fyrradag kom langþráð vestanganga loðnu fram í á leið að hrygningarstöðvunum vestur af landinu og er flotinn að veiðum rétt vestan af Snæfellsnesinu.

Flestar útgerðir eru að klára sinn kvóta eða eru þegar búnar með hann en vinnsla afurðanna í landi stendur fram á helgi. Blíðviðri er á miðunum í dag og vonir manna standa til þess að loðnan hafi þétt sig og sé veiðanleg. Það er Ruv.is sem greinir frá.

Loðnan hefur bæði verið dreifð síðustu vikur, fregnir borist af henni allt frá Húnaflóa til Vestmannaeyja, auk þess sem mikið hefur verið af hval sem fylgir göngunum og hefur truflað veiðina mikið. Að sögn Siggeirs Stefánssonar framleiðslustjóra hjá Ísfélagi Vestmanneyja á Þórshöfn, þar sem uppsjávarvertíðinni lauk fyrir nokkru, er það sem stendur upp úr frá þessari vertíð mikil hvalaganga og lítill kvóti. 

Beitir og Börkur, skip Síldarvinnslunnar í Neskaupstað eru á miðunum og komin með þó nokkurn afla og í verksmiðjum fyrirtækisins hafa hrogn verið fryst nær samtellt frá upphafi þessa mánaðar.  Sturla Þórðarson skipstjóri á Beiti segir hrognafyllinguna ágæta og mikið af hrygnu í vesturgöngunni.  Aðalsteinn Jónsson og Jón Kjartansson, skip Eskju á Eskifirði er á leið í land með fullfermi. Fyrirtækið á um 1000 tonna kvóta eftir óveiddan.

Útgefinn loðnukvóti mun væntanlega nást

Venus er á leið til Vopnafjarðar með yfir 2000 tonn en að sögn Magnúsar Róbertssonar vinnslustjóra þar klárast vinnsla afurðanna um helgina en verið er að skera og pakka þeim hrognum sem úr loðnunni vinnast. Víkingur, annað skip HB Granda, landaði á Akranesi í gær þó Vopnfirðingum hafi verið heitið því í febrúar að öll loðnuvinnsla myndi fara fram á Vopnafirði í ár en á Akranesi er hrognavinnsla í fullum gangi. Víkingur mun sækja þau tonn sem eru eftir af rúmlega 18.000 tonna kvóta HB Granda á næstu dögum. 

Eins og kom fram hjá Fiskifréttum í gær gerir Helgi Valdimarsson skipstjóri á Ísleifi, skipi Vinnslustöðvarinnar í Vestmannaeyjum ráð fyrir því að útgefinn loðnukvóti klárist, enda séu flestar útgerðir búnar að ná sínum kvóta eða að sækja síðustu tonnin á miðin um þessar mundir.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.