Tryggvi Már Sæmundsson skrifar:

Notalegur staður við sjávarsíðuna

12.Mars'16 | 16:38

Tanginn er veitingastaður sem óhætt er að mæla með. Staðurinn er allur hinn glæsilegasti og ekki skemmir umhverfið. Frábært útsýni yfir höfnina. Matseðillinn er mjög spennandi og langaði mig í allt á honum - en þar sem það var ekki gerlegt ákvað ég að fara að ráðum þjónsins og fara í þriggja rétta seðilinn. Í forrétt var:

  • Andalæri og humar; andaconfit, klofinn humar, hvítlaukur, sellerýrót, rauðrófa og súrt engifer.

Þessi réttur hreinlega bráðnaði uppí manni. Virkilega góð samsetning sem gaf bragðlaukunum alveg nýjan tón. Í aðalrétt var svo val um:

  • Smjörsoðna smálúðu Amor kramið smælki, trufflumajo, gulrótarmús, og blandað grænmeti.
  • Nautaribeye, ástfangið af Kjúklingi, kartöflupave, rótargrænmeti, demi glass og rjómi.

Niðurstaðan var að fara í nautið. Ekki sá ég eftir því. Það er vissulega vandi að elda naut en þetta var hárrétt eldað og samsetningin á meðlætinu góð. Hreint lostæti!

Rúsínan í pylsuendanum var eftirrétturinn. Hann saman stóð af:

  • Súkkulaðimús, rjóma, jarðaberjum og rauðu sýrópi.

Líkt og hinir réttirnir á undan – klikkaði þessi ekki. Toppað með góðu kaffi.

 

Þjónustan var góð. Þjónarnir líflegir, hressir og voru aldrei langt undan.  

Mæli hiklaust með þessum notalega stað við sjávarsíðuna.

 

Takk fyrir mig.

Tryggvi Már Sæmundsson

forrettur_tanginn

Forrétturinn

adalrettur_tanginn

Aðalrétturinn

eftirrettur_tanginn

Eftirrétturinn

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).