Bæjarbúar segja sitt álit

Eitt er nú hvíslað um á götum Vestmannaeyjabæjar. Það er krafa bæjarstjórnar um að smíðatími nýrrar ferju skuli nýttur til lagfæringar á Landeyjahöfn. Það hefur nefnilega ekki verið tekið undir það að neinu leiti af hálfu ríkisins og hafa embættismenn (sérfræðingar) frekar dregið úr því og bent á að það þurfi að rannsaka svæðið í fleiri ár áður en nokkuð er hægt að framkvæma.

Bæjarbúar yrðu e.t.v  rólegri ef lagfæringar á höfninni stæðu fyrir dyrum - því þeir vita sem er, að til að mynda fjölgar ekki dögunum sem dýpkunarskipin ná að athafna sig við Landeyjahöfn - við það eitt að fá nýja ferju.

Á meðan engin trygging er af hálfu ríkisins um að höfnin skuli löguð verðum við íbúar hér í verri málum í siglingum til Þorlákshafnar. Þess vegna eru 9 af hverjum 10 sammála spurningunni: ,,Hversu sammála eða ósammála ertu því að gerðar verði umbætur á Landeyjahöfn til að auka notkunartíma hennar áður en ný Vestmannaeyjaferja verður smíðuð?"

Hér má sjá skoðanakönnunina.