Tvö skip dýpka Landeyjahöfn

24.Febrúar'16 | 19:40

Mynd/úr safni

Dýpkunarskipin Dísa og Galilei 2000 vinna nú að dýpkun Landeyjahafnar. Dísa kom í höfnina í gær og belgíska skipið Galilei í morgun. „Ef veður helst stillt gætu þau náð þessu á fjórum dögum“, segir Sigurður Áss Grétarsson framkvæmdastjóri Siglingasviðs Vegagerðarinnar.

„Langtímaspáin vakti með okkur vonir um að Herjólfur gæti farið um höfnina uppúr helgi, en hún hefur nú breyst dálítið og við vitum ekki hvað verður“.

Sigurður Áss segir að skipin muni bæði vinna að þessu verkefni. Galilei 2000 kom til landsins fyrir skömmu. Það er í eigu belgíska fyrirtækisins Jan de Nuul sem sinnir dýpkun við höfnina á veturna næstu þrjú ár samkvæmt samningi eftir útboð. Íslensk skip munu dýpka á haustin og eftir því sem þurfa þykir. Á síðasta ári var dælt um 750 þúsund rúmmetrum af hafsbotni í og við höfnina fyrir um 520 milljónir króna, sem er meira en nokkru sinni.

Sigurður Áss segir að það sé misskilningur að Dísa hafi verið send í Landeyjahöfn til að dýpka höfnina svo Galilei kæmist þar inn. „Þau rista jafndjúpt, þó Galilei sé miklu stærra skip. Galilei mun dæla upp úr höfninni en Dísa vinna fyrir utan hana“. Sigurður segir að Belgarnir hafi ekki getað siglt skipinu til Vestmannaeyja fyrr en í gær, en þar munu þeir hafa aðstöðu. "Þar þurftu þeir að koma fyrir búnaði og varahlutum, og byrjuðu svo að dæla úr höfninni í morgun“.

 

Rúv.is greindi frá.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).