Forstjóri HSU skrifar:

Fundur með þingmönnum Sjálfstæðisflokksins

10.Febrúar'16 | 05:43
Þingmenn-í-heimsókn-á-HSU

Þingmennirnir funduðu með stjórnendum HSU. Mynd/hsu.is

Þessa viku er kjördæmavika og í dag heimsóttu tveir þingmenn Suðurlands HSU og áttu fund með framkvæmdastjórn stofnunarinnar.  Á fundinn mættu þingmenn Sjálfstæðisflokksins, þau Ragnheiður Elín Árnadóttir, iðnaðar- og viðskiptaráðherra, 2. þingmaður Suðurkjördæmis og Vilhjálmur Árnason, 9. þingmaður Suðurkjördæmis. 

Þau áttu stuttan og góðan fund með framkvæmdastjórn HSU þar sem farið var yfir rekstrarstöðu stofnunarinnar í upphafi árs og rekstrarhorfur.  Rætt var um hlutverk stofnunarinnar í umdæminu og þau fjölmörgu tækifæri sem liggja í nýjungum í útfærslu á þjónustunni, íbúum til hagsbóta.  Það er þó skilyrði fyrir framþróun og áframhaldandi uppbyggingu á stofnuninni að skuldavandi eldri stofnanna sé leystur. Mikilvægi þess að ný stofnun HSU gæti starfað með jákvæðan efnahagsreikning í stað þess að draga með sér skuldir og neikvæða rekstrarstöðu fyrri stofnana. Skuldastaða stofnunarinnar er ekki góð og það liggur á að leysa þann rekstrarvanda sem HSU fékk í arf við sameininguna.

Einnig var rætt um gífurlega aukningu í þjónustunni en á Suðurlandi eru yfir 50.000 komur er til lækna og hjúkrunarfræðinga í heilsugæslu, nær 1000 innlagnir í sjúkrarými, yfir 15.000 komur á bráðamóttöku, yfir 6000 myndgreiningarrannsóknir og yfir 3200 útköll vegna sjúkraflutninga á árinu 2015. Aukna þjónustuþörf má að mestu leyti rekja til hratt vaxandi fjölda innlendra og erlendra ferðamanna á Suðurlandi.

Rekstur HSU er nú í rýni og endurskoðun til að leita stöðugt leiða til að nýta sem best það fjármagn sem fæst til rekstursins. Framkvæmdastjórn HSU lagði áherslu á mikilvægi þess að fjármagn fylgi þeim verkefnum sem stofnuninni er gert að sinna, til að stofnunin hafi bolmagn til að sinna vel grunn heilbrigðisþjónustu í umdæminu.

 

Herdís Gunnarsdóttir, forstjóri HSU.

 

Heimasíða HSU.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.