Þrettándahelgin:

Dagskráin í dag

9.Janúar'16 | 13:11

Áfram heldur Þrettándahátíðin og er þétt dagskrá í dag sem nær hámarki í kvöld er þrettándagleði ÍBV verður haldin. Þá verður dansleikurinn í Höllinni einnig í nótt og hefst hann á miðnætti. Annars lítur dagskráin svona út í dag:

Laugardagur 9.janúar

Kl. 12.00 - 15.00 Tröllagleði í Íþróttamiðstöð Vestmannaeyja

Fjölskyldan getur komið saman og leikið sér í íþróttasölum undir stjórn íþróttaþjálfara.

Í umsjón Katrínar Harðardóttur og íþróttafélaganna.

Hlökkum til að sjá sem flesta mæta.

 

Kl. 12.00-16.00 Langur laugardagur í verslunum

Trölla tilboð og álfa afslættir í gangi hjá verslunum og veitingastöðum!

Kl. 13.00 Einarsstofa, sýningin Álfabækur

Guðlaugur Arason rithöfundur sýnir myndverk sín Álfabækur. Myndverkin eru litlir bókaskápar fullir af agnarsmáum bókum þar sem búa bæði skáld og ýmsar kynjaverur. Opið verður í Einarsstofu kl. 13-18 laugardag og sunnudag. Guðlaugur verður á staðnum báða dagana kl. 13-15 og svarar fyrirspurnum um tilurð verkanna. Athugið að sýningin verður aðeins þessa einu helgi. Í sumar er ætlunin að kynna betur þessa fallegu ævintýraveröld með sýningu 15. júlí – 15. ágúst 2016.

Kl. 13.00-16.00 Sagnheimar, fjölskylduratleikur Jólakattarins

Nú er Jólakötturinn í vondum málum! Grýla frétti að hann væri hálftrúlofaður læðu á Brimhólabrautinni og henti honum út.  Getið þið hjálpað aumingja kisa að finna hluti í Sagnheimum til að nota fyrir nýtt heimili? Frítt fyrir fullorðna í fylgd með börnum.

Kl. 16.00 Kvika, bæjarleikhúsið

Sýning Leikfélags Vestmannaeyja á Ævintýrabókinni. Miðasala er í síma 852-1940.

Kl. 19.00 Hin eina sanna Þrettándagleði ÍBV og Íslandsbanka

Flugeldasýning, blysför, álfabrenna, jólasveinar, tröll, tónlist og margt fleira. Gangan hefst við Hánna og gengið verður upp Illugagötu, niður Höfðaveg og að malarvellinum þar sem hinar ýmsu kynjaverur heilsa upp á gesti.

Kl.00.00 Höllin, dansleikur

Þrettándadansleikur með hljómsveitinni Buff.

 

Nokkrir punktar frá þrettándanefnd fyrir kvöldið.

- þeir sem að eiga bíla á gönguleiðinni vinsamlegast færið þá af götunum

- gaman er ef krakkar geta verið með jólasveinahúfur eða ÍBV húfur

- ekki er leyfilegt að vera með skotelda í göngunni og uppi á malarvelli

- öll tröll sem eru á vegum ÍBV íþróttafélags eru innan girðingar upp á velli

- brýnum fyrir unga fólkinu að tröllin eru mörg hver mjög stór og því getur verið mjög hættulegt að hrella þau

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).