Dagskrá þrettándahátíðar tilbúin

4.Janúar'16 | 14:35

Um næstu helgi verða jólin kvödd formlega í Eyjum. Þrettándagleði ÍBV verður á fðstudagskvöld klukkan 19.00. Raunar hefst dagskrá hátíðarinnar á fimmtudaginn með Eyjakvöldi á Kaffi Kró. Dagskráin stendur fram á sunnudag og er ýmislegt á boðstólnum. Hægt er að kynna sér dagskrána betur hér að neðan.

Fimmtudagur 7. janúar

Kl. 21.00 Kaffi kró, Eyjakvöld

Eyjakvöld með Blítt og létt og allir syngja með! 

 

Föstudagur 8. janúar

Kl. 14.00-15.30 Höllin, diskógrímuball Eyverja

Jólasveininn mætir og aðrar fígúrur einnig. Verðlaun verða veitt fyrir búninga og öll börn fá glaðning frá Eyverjum og nammipoka frá jólasveininum.

Kl. 16.00 Lögreglustöð Vestmannaeyja

Formleg afhending á nýjum leitarhundi lögreglunnar, Rökkva, sem er gjöf frá Kiwanis. Allir velkomnir!

Kl. 19.00 Hin eina sanna Þrettándagleði ÍBV og Íslandsbanka

Flugeldasýning, blysför, álfabrenna, jólasveinar, tröll, tónlist og margt fleira. Gangan hefst við Hánna og gengið verður upp Illugagötu, niður Höfðaveg og að malarvellinum þar sem hinar ýmsu kynjaverur heilsa upp á gesti.

Kl.00.00 Höllin, dansleikur

Þrettándadansleikur með hljómsveitinni Buff

 

Laugardagur 9.janúar

Kl. 12.00 - 15.00 Tröllagleði í Íþróttamiðstöð Vestmannaeyja

Fjölskyldan getur komið saman og leikið sér í íþróttasölum undir stjórn íþróttaþjálfara.

Í umsjón Katrínar Harðardóttur og íþróttafélaganna.

Hlökkum til að sjá sem flesta mæta.

 

Kl. 12.00-16.00 Langur laugardagur í verslunum

Trölla tilboð og álfa afslættir í gangi hjá verslunum og veitingastöðum!

Kl. 13.00 Einarsstofa, sýningin Álfabækur

Guðlaugur Arason rithöfundur sýnir myndverk sín Álfabækur. Myndverkin eru litlir bókaskápar fullir af agnarsmáum bókum þar sem búa bæði skáld og ýmsar kynjaverur. Opið verður í Einarsstofu kl. 13-18 laugardag og sunnudag. Guðlaugur verður á staðnum báða dagana kl. 13-15 og svarar fyrirspurnum um tilurð verkanna. Athugið að sýningin verður aðeins þessa einu helgi. Í sumar er ætlunin að kynna betur þessa fallegu ævintýraveröld með sýningu 15. júlí – 15. ágúst 2016.

Kl. 13.00-16.00 Sagnheimar, fjölskylduratleikur Jólakattarins

Nú er Jólakötturinn í vondum málum! Grýla frétti að hann væri hálftrúlofaður læðu á Brimhólabrautinni og henti honum út.  Getið þið hjálpað aumingja kisa að finna hluti í Sagnheimum til að nota fyrir nýtt heimili? Frítt fyrir fullorðna í fylgd með börnum.

Kl. 16.00 Kvika, bæjarleikhúsið

Sýning Leikfélags Vestmannaeyja á Ævintýrabókinni. Miðasala er í síma 852-1940.

Kl. 21.00 Höllin, tónleikar

Risatónleikar með Dúndurfréttum, þar sem þeir taka allt sitt besta „cover“efni.  Húsið opnar kl. 21.00 og tónleikar hefjast kl. 22.00.  Forsala í Tvistinum.  Verð 3.500,- í forsölu en kr. 4.500,- við hurð.

 

Sunnudagur 10.janúar

Kl. 13.00 Helgistund í Stafkirkjunni

Sr. Guðmundur Örn fer með hugvekju.

 

Kl. 13.30 Íþróttamiðstöð Vestmannaeyja

ÍBV-Fram í handknattleik kvenna

 

Hefðbundinn opnunartími á söfnum bæjarins!

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).