Fréttatilkynning frá ÍBV:

Knattspyrnudeild ræður framkvæmdastjóra

30.Desember'15 | 14:11
oskar_j

Nafnarnir við undirskrift samningsins

Knattspyrnuráð ÍBV hefur gengið frá ráðningu Óskars Jósúasonar sem framkvæmdastjóra fyrir mfl. og 2.fl. karla ÍBV í knattspyrnu.  Óskar er 36 ára Eyjamaður og giftur Guðbjörgu Guðmannsdóttur afrekskonu í handbolta til langs tíma.  Þau eiga tvö börn Kristínu  Klöru 6 ára og Jósúa Steinar 4 ára.

Óskar er Eyjamönnum vel kunnur enda fæddur og uppalinn á Eyjunni fögru.  Hann lék sjálfur með ÍBV, Tý og Þór í gegnum alla yngri flokka og var leikmaður mfl. karla árin 1998 til 2002.

Óskar er kennaramenntaður og hefur starfað undanfarin ár sem kennari við Grunnskóla Vestmannaeyja.  Hann hefur einnig stundað mastersnám í stjórnun og stefnumótun frá viðskiptafræðideild Háskóla Íslands.

Það er mikið gleðiefni að hafa fengið Óskar til liðs við félagið og í það verkefni að styrkja og efla knattspyrnulið ÍBV á komandi árum.  Hann mun hefja störf síðar í janúar þegar hann hefur lokið störfum fyrir Grunnskóla Vestmannaeyja.

Knattspyrnuráð ÍBV býður Óskar velkominn til starfa.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is