Einarsstofa:

Málverkasýning Sigurðar K. Árnasonar

4.Desember'15 | 16:04

Á morgun, laugardaginn 5. desember kl. 13 opnar málverkasýning Sigurðar K. Árnasonar í Einarsstofu, Safnahúsi. Sýningin verður opin um helgina kl. 13-18 laugardag og sunnudag. Listamaðurinn verður sjálfur á staðnum.

Sýningin verður síðan opin alla virka daga 10-18 og á laugardögum 13-16 eða á opnunartíma Safnahúss. Sýningin stendur til áramóta.

Sigurður er fyrsta barn hjónanna Helgu Sveinsdóttur, Þórðarsonar frá Mýrum og Gamla Hrauni og Árna Magnússonar, Jónssonar, Valdasonar frá Steinum undir Austur Eyjafjöllum, en kona hans var Guðríður Jónsdóttir frá Ytri Skógum í sömu sveit.  Þau fluttu til Eyja frá Minni Borg árið 1911.  Magnús, föðurafi Sigurðar, fékkst við sjómennsku og grjóthleðslur og var kallaður „Mangi grjót“.   

Sigurður hlakkar mikið til að koma til Eyja og sýna Eyjamönnum það sem hann hefur verið að gera í myndlist á langri ævi. Myndirnar sem Sigurður sýnir að þessu sinni tengjast allar Vestmannaeyjum og sýna margar hverja æskustöðvarnar sem nú eru komnar undir hraun.  Tengslin við Vestmannaeyjar hafa enda aldrei slitnað og sýndi hann á listahátíðinni, Dagar lita og tóna á hvítasunnu 1996. Þá gaf hann Vestmannaeyjabæ málverk eftir sig sem er góð viðbót við glæsilegt listasafn bæjarins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.