Ekki í Landeyjahöfn fyrr en í vor?

3.Desember'15 | 17:34

Herjólfur siglir frá Eyjum til Þorlákshafnar næstu daga og líklegt er að svo verði fram á vor. Dýpi í Landeyjahöfn nú er nálægt 4 metrum, en þarf að vera 6 til að Herjólfur komist þar inn. Ölduhæð háir einnig skipinu þegar veður eru misjöfn eins og nú.

„Það er útlit fyrir að Herjólfur sigli á milli Þorlákshafnar og Eyja það sem eftir er vetrar“, segir Sigurður Áss Grétarsson framkvæmdastjóri Siglingasviðs Vegagerðarinnar. „En við munum auðvitað dýpka og sigla í Landeyjahöfn við réttar aðstæður. Til þess þurfum við að horfa fram á norðanátt eða stillt veður í að minnsta kosti viku“. Ætla má að það taki þrjá daga eða svo að dýpka höfnina ef aðstæður skapast til siglinga í Landeyjahöfn og Herjólfur gæti síðan siglt meðan fært væri.

Rúm fimm ár eru liðin síðan Landeyjahöfn var tekin í notkun. Landeyjahöfn var opnuð í byrjun maí 2011, í byrjun apríl 2012, upp úr miðjum mars 2013 og í lok apríl í ár. „Þetta var hagstæðast í fyrra, þá var dýpi viðunandi í höfninni frá miðjum febrúar, en reglulegar siglingar Herjólfs í Landeyjahöfn urðu hins vegar ekki fyrr en að áliðnum mars“, segir Sigurður Áss.

 

Rúv.is greindi frá.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.