White Guide:

Slippurinn metinn annar besti staðurinn á Íslandi

30.Nóvember'15 | 06:52

White Guide er leiðabók um veitingastaði á Norðurlöndunum, sem margir vilja kalla Michelin Guide okkar Norðurlandabúa. Útgefendur bókarinnar prófa og gefa 800 veitingastöðum einkunnir ár hvert, en það þykir mikil upphefð fyrir veitingastaði að komast í bókina.

Gisli Matthías Auðunsson, matreiðslumeistari og einn eigenda Slippsins og Matar og drykkjar, er ánægður með þróunina hvað varðar íslensk veitingahús. „Í fyrra voru 9 veitingastaðir frá Íslandi tilnefndir og núna 17. Það er algjörlega frábært að sjá loksins mikinn metnað lagt í svona mikilvægt verkefni sem getur hjálpað okkur að komast á kortið í alþjóðlegu samhengi.“ Að mati Gísla er White Guide mun þýðingarmeira hér á landi en Michelin Guide.

White Guide dekkar allar borgir og bæi á Norðurlöndunum, annað en Michelin. White Guide bókar undir fölsku nafni, og reikningurinn er greiddur að fullu án þess að neinn viti að þarna er um gagnrýnendur að ræða. Eins og alvöru gagnrýnendur eiga að gera. Þeir koma að minnsta kosti einu sinni á ári á hvern einasta stað sem nefndur er í bókinni.

Gísli rekur veitingastaðinn Slippinn með fjölskyldu sinni í Vestmannaeyjum, en hann er metinn annar besti staðurinn á Íslandi, næst á eftir Dill, þetta árið. „Mér finnst það alveg ótrúlegt þar sem við erum á lítilli eyju fyrir utan Ísland og erum bara með opið fjóra til fimm mánuði á ári.“

White Guide gefur veitingastöðum stig og metur þá í einn af fjórum flokkum. Í nýjustu útgáfunni fær Dill 79 stig, en næst á eftir kemur Slippurinn í Vestmannaeyjum með 74 stig. Hér má sjá íslenska listann fyrir 2015.

 

Pressan.is greindi frá.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).