Fréttatilkynning frá bæjarstjóra:

Leggja höfuðáherslu á málefni aldraðra og fatlaðra

- Auk þess sem stefnt er að því að standa myndarlega að uppbyggingu á fræða-, rannsókna og háskólaklasa

26.Nóvember'15 | 19:54

Fjárhagsáætlun Vestmannaeyjabæjar fyrir árið 2016 var lögð fyrir seinni umræðu á fundi bæjarstjórnar í kvöld. Við gerð fjárhagsáætlunar fyrir árið 2016 var farin sú leið að fullnýta ekki tekjustofna. 

Útsvar fyrir árið 2016 verður því 14,36% en hámarks útsvar er 14,48%.  Um er að ræða hækkun á útsvari frá árinu 2015 um 2,7%.  Um leið var farin sú leið að lækka fasteignagjöld á íbúðarhúsnæði úr 0,42% niður í 0,35% en hámarks fasteignagjöld eru 0,5%.  Þar með lækka fasteignagjöld í Vestmannaeyjum um 16,7% frá því sem nú er.  Með ákvörðun um að fullnýta ekki álagningarramma útsvars og fasteignagjalda á íbúðarhúsnæði innheimtir Vestmannaeyjabær 73.512.992 kr. minna af mögulegum tekjum af þessum stofnum en annars væri.  Þetta fjármagn nýtist því til reksturs heimila í Vestmannaeyjum fremur en til reksturs bæjarfélagsins.

Áætlunin ber það með sér að Vestmannaeyjabær mun á næstu árum leggja höfuðáherslu á málefni aldraðra og fatlaðra auk þess sem stefnt er að því að standa myndarlega að uppbyggingu á fræða-, rannsókna og háskólaklasa.  205 milljónum verður þannig varið til stækkunar og endurbóta á Hraunbúðum hjúkrunarheimili aldraðra og byggingu nýrrar aðstöðu fyrir fólk með heilabilun svo sem Alzheimer. Auk þess er stefnt að fjölgun þjónustuíbúða fyrir aldraða.  Þá verður lokið  við nýja aðstöðu fyrir félagsstarf aldraðra í menningarhúsinu Kviku.  Í samræmi við yfirlýsingar ákvað bæjarstjórn einnig að verja um 200 milljónum til byggingar á íbúðum fyrir fatlaða auk þess sem fjöliðjan Heimaey verður byggð upp og starfsemi þar efld.

Meðal brýnustu verkefna Vestmannaeyjabæjar er að bregðast við aukinni áherslu á fræðastarf og áhuga íbúa á háskólanámi.  Meðal annars með það að leiðarljósti mun Vestmannaeyjabær verja rúmlega 100 milljónum á komandi ári til eflingar fræðaklasa og undirbúnings þess háskólanáms sem menntamálaráðuneytið í samvinnu við HR, HA, Vestmannaeyjabæ og fl. vinna nú að.

Áætlunin gerir ráð fyrir að rekstrarafgangur á árinu verði  99 milljónir í A-hluta og 125 milljónir í samstæðu. 

Reiknað er með því að veltufé sveitarsjóðs frá rekstri verði jákvætt um rúmar 132 milljónir fyrir A-hluta sveitarsjóðs og  643 milljónir fyrir samstæðu.

Skuldahlutfall sveitarsjóðs er 98% og eiginfjárhlutfall  66%.  Skuldahlutfall að frádregnu handbæru fé er hinsvegar 18% fyrir sveitarsjóð og 41% fyrir samstæðu

Má því ljóst vera að Vestmanneyjabær nýtur nú góðs af því að hafa greitt upp megnið af vaxtaberandi skuldum í góðærinu og hagrætt verulega í rekstri.

 

 

Elliði Vignisson

Bæjarstjóri í Vestmannaeyjum

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.